Jıynǵa Qazaqstannyń jańartylatyn energııa kózderi qaýymdastyǵynyń bas dırektory Arman Qashkynbekov, «Jastar» ǵylymı-zertteý ortalyǵynyń dırektory, saıasattanýshy Talǵat Qalıev, «ELAMAN» áleýmettik-ınnovasııalyq jobalar qorynyń tóraǵasy, bloger Almaz Erjan, «Cascadia Consumer Electronics Corporation» kompanııasynyń bas ókili Tilektes Adambekov jáne «Bolashaq» baǵdarlamasynyń túlekteri qatysty.
Jıynǵa qatysýshylar saılaý naýqany barysynda týyndaǵan ózekti máselelerdi, saılaýdyń ótýine daıyndyq pen tártibi jaıly talqylap, óz oılarymen bólisti. «Jastar» ǵylymı-zertteý ortalyǵynyń dırektory Talǵat Qalıev saılaýda saılaýǵa qatysýshylardyń belsendiligi joǵary bolatynyn aıtty.
«Bılik tranzıti bolǵan sátten bastap jastardyń saıası ómirge degen qyzyǵýshylyǵy kúrt artqan sııaqty. Degenmen bul birden is-áreketke aınalady degendi bildirmeıdi. Sebebi qyzyǵýshylyq, sheshim qabyldaý jáne is-áreket arasynda belgili bir ýaqyt aralyǵy bar. Meniń oıymsha osy saılaýda qatysýshylardyń belsendiligi barynsha joǵary bolady. Bizdiń ortalyqtyń júrgizgen saýalnamasyna sáıkes jastarǵa qaraǵanda aǵa býyn saılaýǵa belsendi túrde qatysýdy josparlap otyr», dedi T.Qalıev.
Sonymen qatar spıkerler saılaý úrdisterin qalyptastyrýdaǵy áleýmettik jelilerdiń rólin, saılaýdy uıymdastyrý men ótkizýdegi basqa elderdiń tájirıbesi týraly keńirek talqylady. Jıyn sońynda qatysýshylar saılaýdyń mańyzdylyǵyn aıta otyryp, barsha qazaqstandyqtardy saılaýǵa qatysýǵa shaqyrdy.
