Qostanaı qalasyndaǵy fızıka-matetematıka baǵytyndaǵy Nazarbaev Zııatkerlik mektebiniń oqýshysy Dana Qylyshpaeva Fınlıandııa Prezıdenti Saýlı Nıınıstıomen kezdesken.
Fın Prezıdentimen jeke kezdesý jáne áńgimelesý klımattyń ózgerýi boıynsha oqýshylardyń álemdik sammıtiniń arqasynda múmkin bolǵan. Dana forýmǵa qatysýshylar arasyndaǵy arnaıy baıqaýda jeńiske jetkennen keıin oǵan sammıttiń Bas Hatshylyǵynda Azııa elderin tanystyrýǵa senim artyldy. Saýlı Nıınıstıomen klımattyń ózgerýine qarsy kúres sharalary, jańartylatyn energııa máseleleri, plastıkti jınaý jáne óńdeý máseleleri talqylandy. Prezıdent jastarǵa olardyń belsendiligi úshin alǵys aıtyp, alǵa jyljýǵa shaqyrdy.
Halyqaralyq sammıt Fınlıandııada barlyq kontınentterdiń 70 memleketinen 135 oqýshy men 100 oqytýshynyń basyn qosty. 14-17 jas aralyǵyndaǵy oqýshylar óz elderiniń tájirıbesimen bólisip, klımattyq máselelerdi sheshýdi talqylady. Sondaı-aq Helsınkı merııasynda sammıtke qatysýshylar klımat boıynsha oqýshylardyń halyqaralyq kelisimin qabyldady.
Astana qalasyndaǵy fızıka-matematıka baǵytyndaǵy mekteptiń eń talapty oqýshylarynyń biri jáne «Ǵarysh. Ǵylym. Intellekt» IH Naýryz kezdesýleriniń jeńimpazy Álnur Akchýrın de jahandyq kezdesýge qatysty. Ol Dana Qylyshpaevamen birge Qazaqstandaǵy klımattyń ózgerýi jónindegi jobany usyndy.
Aıta keteıik, is-shara World Summit of Students for Climate ENO Schoolnet kompanııasy Ioensý jáne Helsınkı qalalary ákimshilikteriniń, Fınlıandııanyń Qorshaǵan orta mınıstrliginiń, Orman sharýashylyǵy jáne agromádenıet mınıstrliginiń, Bilim jáne syrtqy ister mınıstrliginiń qoldaýymen uıymdastyrylǵan.
