Eger otbasynda eńbekke qabiletti adam bolsa, bul otbasyna shartty áleýmettik kómek taǵaıyndalady. Ol degenimiz, ol adam jumyspen qamtý ortalyǵy usynǵan jumysyn jasaýǵa mindetti. Al, jumys jasaýǵa múmkindigi joq bolsa, múmkindigi shekteýli balaǵa jáne qart adamdarǵa kútim jasap otyrsa, shartsyz aqshalaı kómek beriledi. Ekeýiniń basty aıyrmashylyǵy shartsyz kómek 6 aıǵa, shartty járdemaqy 12 aıǵa taǵaıyndalady. Mólsheri birdeı.
- Degenmen, burynǵydaı kóp qujat jınaý formaty joıylǵan. Keıde jelilik aqaýlar bolyp, qabyldaý ýaqyty uzap ketip jatady. Osyndaıda halyq shydamsyzdyq tanytyp, basqadaı áreketterge barady. Asyǵýdyń esh qajeti joq. Aıdyn sońynda tapsyrsa da, ol azamatqa sol aıǵa tolyqtaı járdemaqy tólenedi. Negizinen ataýly áleýmettik kómekti kóp balaly otbasylar alýda. Úmitkerlerdiń qujattary saqadaı saı bolsa, ataýly áleýmettik kómek 7 jumys kúnniń ishinde taǵaıyndalady, dedi óńirlik kommýnıkasııalar qyzmeti alańynda ótken brıfıngte Munaıly aýdany ákiminiń orynbasary Bilálov Berik.
Mańǵystaý oblysy
