Andreı Fomenko kórmege 2017 jáne 2018 jyldary Mańǵystaý oblysyna barǵan kezde túsirgen sýretterin qoıǵan.
Avtor Ústirt shoqysy, Sor Túzbaıyr, Sherqala, Aıraqty taýynda, Kaspıı teńiziniń jaǵasynda jáne Mańǵystaýdyń ózge de jerlerinde bolǵan. Ol jergilikti jer bederin, janýarlar men ósimdik álemin, mazarlar men zırattar, petroglıfter, Shaqpaq ata meshitin, jergilikti turǵyndardy sýretke túsirgen.
«Kez kelgen adam Aı, Mars, Veneraǵa bara almaýy múmkin, biraq Mańǵystaýǵa bara alady. Bul tabıǵat jaǵdaıy óte qatal aımaq. Onda tipti tushy sý da joq, esesine tuz kóp, jyldyq ortasha temperatýrasy óte joǵary. Klımat jaǵdaıyna tabıǵaty da saı. Quddy metafızıkalyq álemge ótip ketkendeı. Fızıkalyq jáne metafızıkalyq álem arasyndaǵy dál osy shekara meni tańdandyrady. Sýretterimniń barynsha qarapaıym, anyq, qatań, ózi baıandap turǵandaı bolǵanyn qaladym», dedi ol.
Salaaralyq zertteýler kafedrasynyń professory, óner salasyndaǵy praktık, ónertaný ǵylymynyń doktory Andreı Fomenko Sankt-Peterbýrg qalasynda turady jáne sonda jumys isteıdi. Zertteýleriniń negizgi taqyryby: sovettik fotoavangard. Sýretke túsirý teorııasy boıynsha birneshe kitap shyǵarǵan. Ortalyq Azııany jaqsy biledi. Ákesi Qyrǵyzstandaǵy Manas áýejaıynyń qurylys jobasyna jetekshilik etken kezde birneshe jyl sonda turǵan. Bishkektegi kórkemóner ýchılıshesinde oqyǵan.
