EQYU qysqa merzimdi baıqaýshylarynyń basshysy jáne arnaıy úılestirýshisi:
– Saılaýdaǵy zań buzýshylyqtardyń kólemi men deńgeıi mańyzdy. Keıde bizge belgili bir deńgeıdegi zańsyzdyqtar týraly málimet kelip túsýi múmkin, alaıda olardyń sany bolmashy ǵana. Qalaı degende de durystap tekserý kerek. Bizdiń maqsatymyz – bolǵan jaǵdaıdy sol kúıi berý, máseleniń mańyzy men tereńdigine qaraý. Eger zańsyzdyqtar bolǵan bolsa, kinálilerdi jazalaý kerek. Keıin de ondaı jaǵdaıdyń bolýynyń aldyn alý qajet.
Halyqtyń jańa Prezıdentke talaby kúshti. Halyq odan áleýmettik reforma men demokratııalyq ınstıtýttar men azamattyq qoǵamnyń damytylýyn kútip otyr. Ony halyqaralyq qoǵamdastyq ta qoldar edi. Úkimet saıası kúshtermen dıalogqa kelýi kerek. Azamattyq qoǵam qazir belsendi, bul – jaqsylyqtyń belgisi. Qazaqstan – óńirdegi eń iri elderdiń biri. Bolashaǵynan da mol úmit kúttiredi. Jańa Prezıdent EQYU-men tyǵyz jumys isteıdi dep úmittenemiz.
Saılaý qazaqstandyq qoǵam úshin óte mańyzdy ekenin kórsetti. Onyń bir sebebi, Tuńǵysh Prezıdenttiń qatyspaýynan da bolsa kerek. Saılaý jalpy zań aıasynda ótti. Biraq básekelestik te shekteýli boldy, óıtkeni talap kúshti boldy. Saılaý prosesiniń ózi qalypty jáne erkin ótti deýge bolady. Baıqaýshylarymyz keıbir zań buzýshylyqtarǵa jol berilgenin habarlady. Saılaýdyń ózine keler bolsaq, EQYU-nyń táýelsiz memlekettiń saılaýyn zańdy nemese zańsyz dep tanýyna quzyreti joq.
Margareta Kıner NELLEN,
EQYU Parlamenttik Assambleıasy delegasııasynyń basshysy:
– Saılanǵan Prezıdent Qasym-Jomart Toqaev saılaýaldy naýqan kezinde bizdi dıalogqa shaqyrdy. Sol sebepti de esigimiz árqashan ashyq.
Ýrshýla GASEK,
Demokratııalyq ınstıtýttar men adam quqyǵy bıýrosynyń saılaýdy baıqaý mıssııasynyń basshysy:
Daıyndaǵan Baýyrjan MUQAN,
«Egemen Qazaqstan»
