Foto: gov.kz
Maksım Spotkaıdyń aıtýynsha, zań jobasy Senat qaraýyna túskennen beri bes ret jumys tobynda qaralǵan. Osy ýaqyt aralyǵynda azamattardan 300-den astam ótinish kelip túsken. Talqylaýǵa senatorlarmen qatar memlekettik organdardyń ókilderi, janýarlardy qorǵaýshylar jáne qoǵam belsendileri qatysqan. О́ńirlerden kelgen ókilder de qańǵybas janýarlar máselesine alańdaýshylyq bildirgen.
«Jýyrda ótken «Taza Qazaqstan» ekologııalyq aksııasynda Memleket basshysy qańǵybas janýarlar máselesi adam jaýapsyzdyǵynyń saldary ekenin atap ótti. Sondaı-aq Prezıdent janýarlarǵa durys qaramaý men olarǵa qatygezdik kórsetý úshin jaýapkershilikti kúsheıtý qajet ekenin aıtty. Qasym-Jomart Toqaev másele ýshyǵyp ketkenine nazar aýdaryp, sońǵy ýaqytta qańǵybas ıtterdiń shabýylynan balalar ǵana emes, eresekter de jıi zardap shegip jatqanyn jetkizdi. Mundaı derekter óńirlerden kelip túsip jatyr», dep jazdy Maksım Spotkaı.
Janýarlar týraly zańǵa engizilgen túzetýler: derekter, sıfrlar jáne ózgeristerdiń sebepteri
Osyǵan baılanysty Májilisten kelgen zań jobasyna birqatar túzetýler engizý qajettiligi týyndaǵan.
Senatorlar zańǵa mynadaı ózgeristerdi usynyp otyr:
– qańǵybas janýarlardyń sanyn retteý tártibi men merzimderin ár óńirdiń máslıhattary óz betinshe aıqyndaýy tıis;
Májilis qabyldaǵan nusqada qańǵybas janýarlardy panajaıǵa nemese ýaqytsha ustaý pýnktine tapsyrǵannan keıin bes táýlik ótken soń evtanazııa qoldaný qarastyrylǵan bolatyn;
– 15-bapta qańǵybas janýarlardyń sanyn retteý kezinde «evtanazııa» termınin qoldanýdan bas tartý usynyldy;
– qańǵybas janýardy anyqtaýdaǵy negizgi belgi onyń ıesiniń bolmaýy bolýy tıis, tek chıptiń bar-joǵyna ǵana súıený jetkiliksiz. Sebebi jaqyn arada, ásirese shalǵaı aýyldarda barlyq úı janýarlaryn tolyq chıpteý is júzinde qıyn. Bul túzetý quqyq qoldaný tájirıbesindegi táýekelder men teńsizdikterdiń aldyn alýǵa baǵyttalǵan.
Janýarlardy qorǵaý jáne qoǵam qaýipsizdigi: Qańǵybas ıtterdiń shabýylyna qalaı tosqaýyl qoıamyz?
«Budan bólek, mazmundyq jáne quqyqtyq sıpattaǵy ózge de birqatar túzetýler usynyldy. Olardyń barlyǵy salystyrmaly kestege engizilip, Senattyń beıindi komıteti zań jobasyn Májiliske keri qaıtarýdy usyndy», dedi Senat apparatynyń basshysy.
Qazaqstanda ıesiz janýarlardy tegin vaksınasııalaý toqtatylady
