Foto: Threads
Oqıǵa Threads áleýmettik jelisinde jarııalanǵan jazbadan keıin keńinen talqylandy. Jergilikti turǵyn mektep mańyndaǵy aýmaqtyń sýretterin jarııalap, onda uzaq ýaqyt boıy qoqys jınalyp qalǵanyn málimdegen. Al ákimdik qyzmetkeri atalǵan aýmaqta tazalyq jumystary júrgizilgenin jazyp, jasandy ıntelektimen óńdelgen foto-esep joldaǵan.
Ákimdik málimetinshe, qyzmetker óz kinásin moıyndaǵandyqtan, qyzmettik tekserý júrgizilmegen.
«Memlekettik qyzmetshi jibergen zańbuzýshylyǵyn moıyndaǵandyqtan, atalǵan fakti boıynsha qyzmettik tekserý júrgizilmedi. Sonymen qatar qyzmetkermen eńbek sharty buzylyp, onyń memlekettik organmen qyzmettik qatynastary toqtatyldy», dep habarlady Almaty ákimdiginiń baspasóz qyzmeti.
Jezqazǵanda káriz kollektoryn tazalaý kezinde jumysshy qaza tapty
Eske sala keteıik, buǵan deıin áleýmettik jelilerde Tarazda patrýldik polısııa qyzmetkerleri Sarysý aýdany ákimshilik polısııa bóliminiń basshysyn toqtatqan vıdeo tarady. Aldyn ala málimet boıynsha, ol kólikti mas kúıde basqarýy múmkin degen kúdik bar. Jambyl oblysy polısııa departamenti kúdikti qyzmetkerdiń quqyqbuzýshylyq jasaǵany dáleldense, Ishki ister organdarynan teris sebeptermen jumystan shyǵarylatynyn málimdedi.
