Foto: Densaýlyq saqtaý mınıstrligi
Mınıstrlik málimetinshe, zań buzýshylyq faktisi anyqtalǵannan keıin tıisti quzyrly mekemelerdiń qatysýymen keshendi tekserý júrgizilgen.
«Jedel sharalar sheńberinde polısııa qyzmetkerleriniń qatysýymen «Kemel» JK ókilderi jalpy kólemi 144 kılogramdy quraıtyn anyqtalǵan medısınalyq qaldyqtardy jınaýdy júzege asyrdy. Barlyq materıaldar tárkilenip, kásiporyn aýmaǵyna ornalastyryldy. Qorshaǵan ortaǵa jáne sanıtarııalyq-epıdemıologııalyq jaǵdaıǵa yqtımal áserin baǵalaý maqsatynda mamandar topyraqtan synamalar aldy. Zerthanalyq zertteýler mıkrobıologııalyq jáne sanıtarııalyq-hımııalyq kórsetkishter boıynsha júrgizilip jatyr», delingen habarlamada.
Mınıstrlik qaldyqtar tabylǵan aýmaqqa, oǵan irgeles jerlerge dezınfeksııalyq jumystar júrgizilgenin málimdedi.
Jaýapty organnyń málimetinshe, qazirgi tańda tekserý materıaldary quqyqtyq baǵa berý úshin tıisti organdarǵa joldanǵan. Tergeý nátıjesi boıynsha kináli tulǵalar zańnamaǵa sáıkes jaýapkershilikke tartylady. Zerthanalyq zertteýlerdiń aldyn ala qorytyndysy 3-7 kún ishinde belgili bolmaq.
«Streptosıdke» tyıym salyndy: Preparat endi Qazaqstan dárihanalarynda satylmaıdy
Eske sala keteıik, áleýmettik jelide Batys Qazaqstan oblysy Báıterek aýdany Baıqonys aýyly turǵyndarynyń qoqys alańynan medısınalyq qaldyqtar taýyp alǵany jóninde beınejazba tarady. Vıdeoda qan synamalary men shprısterdiń shashylyp jatqany kórsetilgen.
Budan bólek, Densaýlyq saqtaý mınıstrligi elimizde antıbıotıkterdi reseptisiz satýǵa baqylaý kúsheıtiletindigin habarlady. Mamandardyń aıtýynsha, antıbıotıkterdi dárigerdiń taǵaıyndaýynsyz satyp alý ınfeksııalarǵa qarsy qoldanylatyn dárilerdiń tıimdiligin tómendetip, antıbıotıkke tózimdiliktiń kúsheıýine sebep bolady.
