Foto: instagram.com / kazmission
Daýys berý qorytyndysy boıynsha Qazaqstan Respýblıkasynyń úmitkeri Lázzat Qaltaeva 157 memlekettiń qoldaýymen eń úzdik kórsetkishke ıe bolyp, 2027-2030 jyldarǵa arnalǵan merzimge Komıtet múshesi bolyp saılandy.
Múgedekterdiń quqyqtary týraly konvensııaǵa (CRPD) qatysýshy memleketter konferensııasynyń 19-sessııasy aıasynda ótken saılaýda ol 157 memlekettiń qoldaýyna ıe bolyp, barlyq kandıdattardyń ishinde eń joǵary nátıje kórsetti.
Qazaqstan ókilimen birge komıtet quramyna Armenııa, Benın, Iordanııa, Qytaı, Lıtva, Palaý, Samoa jáne Efıopııa memleketteriniń kandıdattary da saılandy.
BUU-nyń qarajaty tamyz aıynyń ortasyna qaraı taýsylýy múmkin
Múgedektigi bar adamdardyń quqyqtaryn qorǵaýmen 20 jyldan astam ýaqyt aınalysyp keledi
Lázzat Qaltaeva − ınklıýzııany damytý jáne múgedektigi bar adamdardyń quqyqtaryn qorǵaý salasyndaǵy Qazaqstandaǵy eń tanymal qoǵam qaıratkerleriniń biri.
2024 jylǵy qazannan bastap ol Qazaqstan Respýblıkasy Parlamenti Senaty Tóraǵasynyń keńesshisi jáne Senat janyndaǵy Inklıýzııa jónindegi keńestiń tóraıymy qyzmetin atqarady. Buǵan deıin Qazaqstan Parlamenti Senatynyń depýtaty ári Áleýmettik-mádenı damý jáne ǵylym komıtetiniń múshesi bolǵan.
L. Qaltaeva jıyrma jyldan astam ýaqyt boıy Múgedektigi bar áıelderdiń «Shyraq» qaýymdastyǵy qoǵamdyq birlestigin basqarǵan. Sonymen qatar, ol Almaty qalasynyń múgedekter uıymdary qaýymdastyǵynyń tóraıymy.
Sondaı-aq ol Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa quramyna kiredi.
Toqaev pen Erdoǵan BUU rólin kúsheıtý týraly ortaq baılamǵa keldi
Komıtettiń mindeti
BUU-nyń Múgedekter quqyqtary jónindegi komıteti − memleketterdiń Múgedekterdiń quqyqtary týraly konvensııa talaptaryn oryndaýyn baqylaıtyn táýelsiz sarapshylyq organ. Komıtet halyqaralyq deńgeıde múgedektigi bar adamdardyń quqyqtaryn ilgeriletýge jáne qorǵaýǵa yqpal etedi.
Aıta keteıik, Qyrǵyzstan alǵash ret BUU Qaýipsizdik Keńesiniń turaqty emes múshesi atandy.
