Saılaý zańnamasyna saı ótti

Elimizdegi eń iri saıası naý­qan­nyń zań talaptaryna qan­­sha­lyqty saı ótkendigi jaıynda pikir almasqan jıyndy uıym­­dastyrýǵa «Zańgerler ádil saılaý úshin» respýblıkalyq qoǵam­dyq birlestigi muryn­dyq boldy. Otyrysqa tanymal zań­gerler, zań ǵylymdarynyń dok­to­r­lary men kandıdattary, eli­mizdiń aldyńǵy qatarly joǵary oqý oryndarynyń professorlary, sondaı-aq memlekettik organ­dardyń, úki­mettik emes uıym­dardyń jáne elshilikterdiń ókilderi qatysty.

Alqaly jıynda sóz tizginin zań ǵylym­darynyń kandıdaty, Qazaqstan Zańgerler odaǵynyń jáne «Zańgerler ádil saılaý úshin» RQB tóraǵasy Serik Aqylbaı ustady. Ol elimizdiń barlyq 17 óńirinde 3 myńǵa jýyq zańger saılaý ýchaskelerindegi jaǵdaıǵa monıtorıng júrgizgenin aıtyp, aımaqtardaǵy ókilderdiń aldyn ala baǵalaýy boıynsha Prezıdent saılaýy saılaý zańnamasynyń talaptaryna sáıkes ótkenin málimdedi.

– Bizdiń uıym ár saılaýǵa qatysyp keledi. Uıymnyń bas­ty mindeti – saılaý komıs­sııa­synyń qyzmetin baǵalaý emes, keńes berip, kómektesý. Biz saı­­laýshylarǵa óz quqyqtaryn eg­jeı-tegjeıli túsindirýge basa mán beremiz. Eger ár saılaýshy óz qu­qyn bilip tursa, onda saılaý ashyq, ádil ári taza ótedi. Sondyqtan biz saı­laý­­shylar­dan kelip túsken suraq­tarǵa tolyq­qandy jaýap berý úshin bes ret baspasóz jıy­nyn ótkiz­dik. Suraqtar kóbi­ne ın­ternet arqyly qa­byl­­­dandy. Jalpy, burynǵy saı­laý­­larǵa qaraǵanda bul joly saılaý­shylardyń belsendiligi artyp, óz quqyqtaryn ájeptáýir bilip qaldy, – dedi Serik Aqylbaı.

Basqosýda qoǵamdyq birles­tiktiń zańger­leri saılaý, saılaý prosesi jáne zańnama má­seleleri boıynsha baıanda­ma­lar jasady. Olardyń ishinde zań ǵylym­darynyń dok­tory, professor Marat Sár­sem­­baev Eýropadaǵy qaýip­siz­dik jáne ynty­maqtastyq uıy­­myna qarasty Demo­kra­tııa­l­yq ınstıtýttar jáne adam quqyq­tary jónindegi bıýro­synyń Prezıdent saılaýy týraly málimdemesine zań turǵysynan baǵa berdi. Al zań ǵylymdarynyń doktory, professor Sergeı Ýdarsev saılaý quqyǵynyń damýyna áser ete­tin faktorlar jóninde sóz qoz­ǵa­dy. Sonymen qatar M.Nárik­baev atyndaǵy QazGZÝ-dyń qylmystyq sot tóreligi jáne ǵylymı-quqyqtyq saraptama máseleleri boıynsha ǵylymı jobalardyń jetekshisi Marat Qoǵamov «Saılaý zańna­ma­sy: tıimdilik máseleleri, teorııa jáne praktıka» atty taqyrypta baıan­dama jasady. Buǵan qosa L.N.Gýmılev atyndaǵy Eýrazııa ulttyq ýnı­versıteti zań fakýl­teti dekany Sáýle Aman­dyqova el azamattarynyń daýys berý quqyǵyn tolyq qoldanýy pat­rıo­tızmniń bir kórinisi degen pikirin bildirdi.

Keleli keńeske qatysýshy zańgerler is-sharany qorytyn­­dylap, kóterilgen máse­leler­di eskerip, aldaǵy ýaqyt­ta saı­laý zańnamasyn ári qaraı je­tildirý jó­ninde usynys­taryn jetkizdi.