Sondaı-aq bul aýqymdy sharaǵa onnan astam eldiń Prezıdenti men Úkimet basshylary qatysýda. AО́SShK quramynda 27 múshe-memleket: Aýǵanstan, Ázerbaıjan, Bangladesh, Bahreın, BAÁ, Vetnam, Izraıl, Iordanııa, Irak, Iran, Qazaqstan, Kambodja, Katar, Qyrǵyzstan, Qytaı, Mysyr, Mońǵolııa, Palestına, Pákistan, Koreıa Respýblıkasy, Reseı, Tájikstan, Taıland, Túrkııa, О́zbekstan, Úndistan, Shrı-Lanka bar. Sondaı-aq AО́SShK-ni shaqyrý týraly ıdeıa birqatar memleketterden jáne BUU, EQYU, AML (Arab memleketteri lıgasy), TúrkPA, Halyqaralyq kóshi-qon uıymy sııaqty halyqaralyq uıymdardan qoldaý tapty.
Búginde Azııa memleketteriniń basyn biriktirip otyrǵan Azııadaǵy ózara is-qımyl jáne senim sharalary keńesin qurý týraly bastamany Prezıdent Nursultan Nazarbaev 1992 jyly BUU-nyń Bas Assambleıasynyń 47-sessııasynda jarııa etken bolatyn. Bastamanyń negizgi maqsaty - óńirdegi beıbitshilik pen qaýipsizdikti qamtamasyz etý jónindegi tıimdi jáne qolaıly qurylym qurýǵa umtylý.
Tájikstan AО́SShK tarıhynda Keńes tóraǵasy bolǵan tórtinshi memleket. 2018 jyly qyrkúıekte BUU Bas Assambleıasynyń 73-shi sessııasy aıasynda Forýmdaǵy tóraǵalyq Qytaıdan Tájikstanǵa ótti. Tájik tarapy dıalogtaǵy óz tóraǵalyǵynyń taqyrybyn «Ornyqty damý arqyly jalpyǵa ortaq beıbitshilik pen qaýipsizdik» dep tańdady.
AО́SShK-ge múshe memleketter men úkimetter basshylarynyń kezdesýi tórt jyl saıyn ótedi. Sońǵy ret bul kezdesý 2014 jyldyń mamyrynda Qytaı Halyq Respýblıkasynyń Shanhaı qalasynda ótken.
