"Árbir qatysýshynyń múddelerin eskere otyryp, Keńestiń barlyq negizgi baǵyttary boıynsha múshe memleketterdiń praktıkalyq ózara is-qımylyn keńeıtýdiń ózektiligi týdy. Biz forýmnyń jobalaryn, baǵdarlamalaryn jáne ózge de qyzmetin qarjylandyrý úshin arnaıy qor qurýdy usynamyz", dedi Q. Toqaev.
Aıta keteıik, bul aýqymdy sharaǵa onnan astam eldiń Prezıdenti men Úkimet basshylary qatysýda. AО́SShK quramynda 27 múshe-memleket: Aýǵanstan, Ázerbaıjan, Bangladesh, Bahreın, BAÁ, Vetnam, Izraıl, Iordanııa, Irak, Iran, Qazaqstan, Kambodja, Katar, Qyrǵyzstan, Qytaı, Mysyr, Mońǵolııa, Palestına, Pákistan, Koreıa Respýblıkasy, Reseı, Tájikstan, Taıland, Túrkııa, О́zbekstan, Úndistan, Shrı-Lanka bar. Sondaı-aq AО́SShK-ni shaqyrý týraly ıdeıa birqatar memleketterden jáne BUU, EQYU, AML (Arab memleketteri lıgasy), TúrkPA, Halyqaralyq kóshi-qon uıymy sııaqty halyqaralyq uıymdardan qoldaý tapty.
Búginde Azııa memleketteriniń basyn biriktirip otyrǵan Azııadaǵy ózara is-qımyl jáne senim sharalary keńesin qurý týraly bastamany Prezıdent Nursultan Nazarbaev 1992 jyly BUU-nyń Bas Assambleıasynyń 47-sessııasynda jarııa etken bolatyn. Bastamanyń negizgi maqsaty - óńirdegi beıbitshilik pen qaýipsizdikti qamtamasyz etý jónindegi tıimdi jáne qolaıly qurylym qurýǵa umtylý.
