"О́kinishke qaraı, halyqaralyq ahýal aıtarlyqtaı kúrdelene tústi. Qaqtyǵystardyń kóbeıýi jáne qaýipsizdik mehanızmderiniń erozııasy,saýda jáne sanksııalyq soǵystar, shıelenis - bul jańa geosaıası shyndyq. Azııa óńirinde qaýipsizdik qateri, ıdeologııalyq jáne etnojelilik qaıshylyqtar alańdaýshylyq týǵyzady. Osy jaǵdaılarda Azııadaǵy qaýipsizdiktiń túıindi máselelerin sheshýge júıeli jáne keshendi tásilder qajet. Osyǵan baılanysty Qazaqstannyń AО́SShK-ni odan ári damytý kózqarasymen bóliskim keledi. Birinshiden, barlyq dostarymyz men áriptesterimizdi forýmnyń tıimdiligi men halyqaralyq básekege qabilettiligin arttyrý úshin kúsh-jigerdi biriktirýge shaqyramyn", dedi Q. Toqaev.
Aıta keteıik, bul aýqymdy sharaǵa onnan astam eldiń Prezıdenti men Úkimet basshylary qatysyp jatyr.
