Shekten shyqqan shıelenis

Jaqynda «Ańsar Alla» búlik­shileri Saýd Arabııasynyń ońtús­tik-batysyndaǵy Abha qalasynda orna­lasqan bas áýejaıǵa oq jaý­dyr­ǵanyn málimdedi. Bul týraly hýsıtterdiń baqylaýynda tur­ǵan «Ál-Masıra» telearnasy habar taratqan. Onda áýejaıǵa baǵyt­tal­ǵan zymyran dittegen jerine dóp tıgeni aıtylǵan. Al Iemendegi soǵys­qa aralasyp jat­qan Saýd Ara­bııasy bas­ta­ǵan koa­lısııa kúsh­­teri bul habar­lamaǵa qatysty eshqan­daı túsi­nik­te­me bergen joq.

Taıaýda hýsıtter dál osy telearna arqyly Iemen sheka­rasynyń irgesinde turǵan Hamıs Mýshıt aýdanyndaǵy Korol Haled áskerı-áýe baza­sy­na shabýyl jasaǵandaryn má­lim­­­de­gen. Artynsha koalısııa kúsh­teri bul shabýyldy toıtaryp, ushqyshsyz ushý apparattaryn atyp túsirgenin jetkizdi. Degenmen búlikshiler bazanyń aýmaǵyndaǵy qarý-jaraq, radar jáne operasııalyq bólmeler bar qoımalarǵa soqqy jasaı aldyq dep tujyrymdady.

Al bıylǵy mamyr aıynyń sońynda «Ál-Arabııa» telearnasy koalısııa Sananyń soltústigindegi Ál-Dýlaımı avıasııalyq bazasynda ornalasqan qarý-jaraq qoıma­la­ryna soqqy jasaǵanyn ha­barlady. Saýd Arabııasy bas^­taǵan koa­lısııa buǵan deıin de búlikshi hýsıt­terdiń baqy­la­ýyn­­­daǵy áýe bazasyna 13 áýe soq­­qysyn jasaǵan edi. Bul baza el astanasyndaǵy áýejaıdyń mańynda ornalasqan. Koa­lı­sııa tarapy kóterilisshiler terrorıstik operasııalardy iske asyrý maqsatynda pılotsyz ushý apparattary men raketalardy iske qosý úshin áýe bazasyn ustap otyrǵanyn málimdegen.

Sol ýaqyttarda Iemenniń den­­saýlyq saqtaý mınıstrliginiń res­mı ókili Iýsef ál-Hadırı arab koa­lısııasynyń bombylaýynan elde 52 000 adam zardap shekkenin habarlady. Olardyń ishinde 13250 adam mert bolǵan. Kóz jumǵandar qatarynda 3800 bala men 2580 áıel bolǵan. Al Sana qalasynda áýe shabýyldarynyń saldarynan 56 adam jaraqattanyp, 6 adam qaıtys bolǵan. Onyń tórteýi – qyrshynynan qıylǵan balalar.

Iemenniń ishki qaqtyǵystaryna murnyn suqqan arab elderi koalı­sııa­synyń áreketterin shııttik «Ańsar Alla» qozǵalysy jaýapsyz qaldyryp jatqan joq. Olar alysta otyryp-aq Saýd Arabııasy men BAÁ aımaqtaryndaǵy ma­ńyz­dy nysandardy kúırete alatyn­daryn qatań eskertti. Máse­­len, hý­sıt­terdiń Saýd Arabııa­­syn­da­ǵy ortalyq munaı quby­ryna jasaǵan áýe shabýyly eldi biraz dúrliktirdi. Sonyń saldarynan sorǵy stansalarynyń jumysy turalap qalǵan. Osydan keıin búlikshiler áli 299 nysandy kózdep otyrǵandaryn aıtyp, ses kórsetti.

О́tken aıdyń sońynda Mekkede ótken Arab memleketteriniń sam­mı­tin­de arab elderi Irandy Ie­men­degi «Ańsar Alla» qozǵa­ly­sy­na ballıstıkalyq zymyrandar jetkizip otyr dep aıyptady. Sol basqosýda Saýd Arabııasy koroli Salman ben Ábdel Ázız ál-Saýd Iran tóńiregindegi daǵdarysty jáne Iemen hýsıtteriniń tarapynan jasalyp jatqan shabýyldardy talqylaý úshin arab elderi men Parsy shyǵanaǵy elderi kóshbasshylaryn eki sammıtke shaqyrdy.

Sál keıinge sheginis jasap, shıe­le­nisten qalaı órshigenine toq­tala ketsek, eldegi saıası daǵ­da­­rystyń yqpalynan Iemendi 1978 jyldan beri basqarǵan Álı Abdal­la Saleh 2012 jyly otstav­­ka­ǵa ketken edi. Ol el tizgi­nin sol kezde vıse-prezıdent qyzmetin at­qar­ǵan Ábd Rabbý Mansýr Habı­ge bergenimen, 2014 jyly tóń^­keris jasaǵan hýsıtterge qol­daý kórsetti. Biraq ke­ıinnen bú­likshilerdi beıbit tur­ǵyn­dar­dyń ómirin qıdy dep aıyptap, Iemen úkimetine jaqtas Saýd Ara­bııasymen aradaǵy jaǵ­daıdy qa­lypqa keltirýge shaqyr­dy. Bul hýsıtterdiń shamyna tıip, Sa­lehke qastandyq jasap, mert qyl­dy.

2018 jyldyń jeltoqsanynda qarsylas taraptar qansha jyldan bergi tartystan keıin BUU aıasynda Shvesııada bir ústeldiń basynda otyryp, kelissóz júr­giz­di. Qyrǵıqabaq bolyp júrgen olar sol jıynda bitimge kelip, tut­qyndarmen almasý, Qyzyl teńiz­diń jaǵasyndaǵy Hodeıda qala­syn­daǵy atysty toqtatý týraly birqatar mańyzdy ke­li­simge qol jetkizgen. О́ki­nish­ke qaraı álemdik qoǵam­das­tyq­tar­dyń kóńilin demdegen bul beıbitshilik qadam uzaqqa sozylmady. Búlikshiler toby men úkimet áskeri bir-birin orna­tylǵan tártipti saqtamady dep kústanalap, 2019 jyldyń qań­tarynda soǵys oty qaıta tutandy.