– 2014 jyldan bastap Aqtaý qalasyndaǵy Ishki ister departamentiniń jedel áreket etetin arnaıy jasaǵynda jumys isteımin. Buǵan deıin jumysymdy bokspen qatar alyp júrsem, búginde tolyq shtattamyn.
– Rıo Olımpıadasynan soń azdaǵan úzilis alyp, keıinnen quramaǵa oraldyńyz. Tipti Azııa oıyndaryna barý týraly josparyńyz da bolǵan eken. Onyń oryndalýyna ne kedergi boldy?
– Ras, Brazılııa jerindegi alamannan soń úzilis alyp, biraz tynyqtym. Qaıta quramaǵa oralyp jattyǵýdy jalǵastyrdym. Djakartadaǵy Azııa oıyndaryna qatysý týraly oı bolǵan. Degenmen, Prezıdent kýbogynyń qorytyndysy boıynsha Indonezııaǵa Samatáli Tóltaevty alyp ketti. Bapkerler onyń Tokıo Olımpıadasyna qatysý múmkindigin eskerip, áleýetin baıqaǵysy kelse kerek.
– Jyldyń aıaǵynda bokstan birjola ketýińizge osy jaıt sebep pe?
– Ony bapkerlermen aqyldasa kele sheshtik. Salmaǵymyzda ornymyzdy basatyn jastardyń baryn kórgen soń esh ýaıymsyz bokspen qoshtasýǵa bolatynyn túsindim. Onyń ústine jaraqatym kóbeıip, qabaǵym qaıta-qaıta jarylyp, aǵzam sharshaı bastaǵandaı kórindi. Osy jaıttardyń bárin eskere otyryp, ulttyq quramadaǵy ornymdy jastarǵa bosatqanym jón bolar dedim.
– Kez kelgen sportshy karerasyn este qalarlyq jeńispen aıaqtasam deıdi. Sizde eshqandaı ókinish joq pa?
– О́kinish joq. Tek shúkirshilik etemin. Áýesqoı boksta Olımpıada oıyndaryna qatystym, álem chempıonatynyń júldegeri, Azııa chempıonatynyń jeńimpazy atandym. Árıne tórtjyldyqtyń bas dodasynda júldegerler qataryna iliksem degen armanym bolǵan. Ol endi kez kelgenge buıyra bermeıtin baq. Sondyqtan osy jetistikterimniń ózine Allaǵa shúkir deımin. Bokstyń arqasynda talaı eldi kórdik. Halyqtyń ystyq yqylasyna bólendik. Úlkendi syılap, kishilerge úlgi bola alǵanyma qýanamyn.
– Mańǵystaý óńirindegi bokstyń damýyna qandaı baǵa beresiz?
– Sońǵy el birinshiligi Aqtaýda ótkeni belgili. Chempıonat qorytyndysy boıynsha Erik Áljanov, Nurbol Qaljanov, Máýlen О́skenbek, Bekzat Nurdáýletov, Samatáli men Sanatáli Tóltaevtar, Aıboldy Dáýrenuly sekildi boksshylar ulttyq quramaǵa endi. Buıyrtsa bizdiń ornymyzdy basady dep úmittenemiz.
– Materıaldyq qoldaý jaǵy qalaı?
– Ol nátıjege baılanysty. Mysaly, Qazaqstan chempıony atanǵan sportshyǵa jergilikti qaltaly azamattar bir bólmeli páter syılaıdy. Al álem ne Azııa chempıonattarynda júldeger atanyp jatsa, ákimdik pen federasııa tarapynan qoldaý kórsetiledi. Ol jaǵynan eshqandaı másele joq. Eń bastysy, sportshylardyń ózinde jeńiske degen jiger, kózinde ot bolsa bolǵany.
– Siz Rıo Olımpıadasyna joldamany ARV jobasy arqyly ıelendińiz. Múmkindigińizdi ári qaraı kásipqoı boksqa synap kórý týraly oı bolǵan joq pa?
– Ondaı oılar, usynystar da boldy. Madııar Áshkeev baýyrymyzdyń janyna barsam degenmin. Biraq otbasymdy tastap kete almadym. Ata-anam da jas emes. О́zim – úıde jalǵyz ulmyn. Osynyń bárin elep-ekshep, elde qalýdy jón kórdim. О́mirimdi tolyq boksqa arnamaı, áýesqoı bokstaǵy jetistikterime qanaǵat dep, jaqyndarymnyń janynda qaldym.
– Ulttyq qurama basshylyǵynda ózgerister boldy. Ǵalym Kenjebaev qandaı jańashyldyqtar alyp keledi dep oılaısyz?
– Ǵalym aǵaıdyń qaramaǵynda jattyǵyp kórgen emespin. Sondyqtan onyń ádis-tásilinen beıhabarmyn. Ol kisi jastarmen birge jaqsy jetistikterge qol jetkizdi. Gennadaı Golovkınniń bapkeri. Iаǵnı, bilikti maman ekendigine kúmánim joq. Jumysyna tek sáttilik tileımin.
Alaıda Myrza aǵaıdyń bas bapkerlikten ketkenin estigende kóńil kúıim túsip ketti. О́zgeniń pikirine jaltaqtamaıtyn, jumysyn biletin, shákirtterinen talap ete alatyn bilikti maman ǵoı. Tamyr-tanystyq degendi bilmeıdi. Kim shynymen de daıyn, kimniń kózinde oty bar, sony jarysqa aparatyn. Ol kisige alǵysym sheksiz. Qýanǵanym, Myrza aǵaı da, Marat aǵaı da quramadan ketken joq. Osyndaı bilikti bapkerlerdiń basy birikkende nátıjeler de soǵan laıyq bolady dep senemin.
– О́zińiz boksqa qalaı kelip edińiz?
– Eń alǵash boks úıirmesine aǵam ertip apardy. «Menen jaqsy boksshy shyqpasa da, senen jaqsy boksshy shyǵady» degeni esimde. Sıdneı Olımpıadasyndaǵy aǵalarymyzdyń jetistikterinen jigerlenip, olardyń elge oralǵandaǵy qýanyshyn kórip, men de dál osylaı medal alyp elimdi, ata-anamdy qýantsam degen arman paıda boldy. 14 jastaǵy jasóspirim kezim. Onyń aldynda erkin kúreske qatysyp júrgenmin. Sondyqtan ba, boksqa tez beıimdelip kettim.
– Áńgimeńizge rahmet.
Mádına ASYLBEK,
jýrnalıst
