Aımaqtar • 17 Maýsym, 2019

Qapastaǵy qolóner

267 ret kórsetildi

Kenshiler astanasynda Qaraǵandy oblystyq qylmystyq-atqarý júıesi departamenti jyl saıyn sottalǵan azamattardyń shyǵarmashylyq jumystarynyń kórmesin uıymdastyrady. Sol dástúr bıyl da jalǵasyn taýyp, oblystyq beıneleý óneri murajaıynda «Úmit-2019» kórme-baıqaýy kezekti maýsymyn bastady.

«Qaraǵandyǵa 85 jyl» atty taqyryp aıasynda ótken sharada kartına, qoldanbaly óner buıymdarynan turatyn 70-ten asa shyǵarmashylyq týyndy kelýshiler nazaryna usynyldy.

– Atalǵan shara sottalǵan aza­mattarǵa óz talantyn kór­setýge  múmkindik beredi. Baıqaý nátı­jesi boıynsha alty júldeli oryn anyqtalady. Úzdik dep tanylǵan týyndylardyń avtorlaryna syılyqtar tabys etiledi, – dedi QAJK departamentiniń bólim bastyǵy, ádilet maıory Erkebulan Qarǵaltaev.

Kórme tórinen oryn alǵan shyǵarmashylyq týyndylar arqyly áldebir sebeptermen bostandyǵynan aıyrylǵan azamattar ózderiniń oılary men ómir týraly kózqarastaryn jáne aınaladaǵy álemge degen qarym-qatynasyn tanytýǵa tyrysqan.

– Osyndaı kórme-baıqaý­lardyń tárbıelik mańyzy zor. О́ner adasqan adamnyń túzý jolǵa túsýine kómektesedi. Jyl ótken saıyn bul kórmege de­gen qyzyǵýshylyq artyp ke­ledi. Avtorlar túrli tehnıka­lardy qoldanyp, ártúrli materıaldarmen jumys isteıdi. Munda kásibı stýdııalarda qol­danylmaıtyn zattar iske jaratylady. Mysaly, kómirden ja­salǵan músinniń ózi bir keremet. Sonymen qa­tar avtorlardyń arasynda boıaýlardy ózderi jasaıtyndary da bar. Materıaldardy daıyndaýynyń ózi olardyń ónermen aınalysqysy keletinin kórsetedi. Mundaǵy árbir týyndy óz álinshe erekshelikke umtylǵan, – deıdi ónertanýshy, qa­zylar alqasynyń múshesi Natalıa Ivanına.

«Úmit-2019» kórme-baı­qaýy­nyń qorytyndysy boıynsha «Stanoktik óner», «Qoldanbaly óner», «Kórkemsýret jáne grafıka» atalymdary boıynsha úzdik dep tanylǵan jumystar qarttar úıine tapsyrylady.

QARAǴANDY

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar