Bıyl Oral, Almaty, Atyraý jáne Aqtaý qalalaryndaǵy Nazarbaev Zııatkerlik mektepterine kún júıelerin ornatý josparlanýda.
Alǵashqy bolyp Aqtaý qalasyndaǵy Zııatkerlik mektep jobaǵa enetin bolady. Maýsym aıynda «Shell Qazaqstan» kompanııasy atalmysh júıelerdi iske qosyp, bilim ordasy paıdalanatyn 25-30% jýyq elektr qýatyn únemdeý kózdelýde. Jobanyń salnatty ashylýy Astana kúni qarsańynda 2019 jyldyń 6 shildesine josparlanýda.
«Shell» álemdik munaıgaz brendiniń «Kún energııasy – mektepterge» atty pılottyq jobasy 2018 jyldyń 1 jeltoqsanynda Nur-Sultan qalasynda ótken «Nazarbaev Zııatkerlik mektepteri» derbes bilim berý uıymynyń 10-jyldyq mereıtoıyna arnalǵan «Uly Dala Muragerleri» forýmynda tanystyryldy.
Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevpen ótken kezdesýde «Shell» kompanııasynyń Qazaqstandaǵy ókildiliginiń basshysy Olıve Lazar konsernnyń osy syndy mekteptik jobalary jańartylǵan energııa kózderin alý jáne jasyl energetıkaǵa kóshýge úlken septigin tıgizetiniń atap ótti.
«Kún energııasy – mektepterge» pılotty joba «Nazarbaev Zııatkerlik mektepteri» derbes bilim berý uıymy, «Shell» kompanııasy men Nur-Sultan qalasynyń ákimdigi jáne energetıka mınıstrligi arasyndaǵy yntymaqtastyq jónindegi memorandým aıasynda júzege asyrylady.
«Shell» –dyń alǵashqy kún energııasyn el astanasynda ornalasqan fızıka-matematıkalyq baǵyttaǵy mektep 2018 jyly paıdalana bastady. Munda qýattylyǵy 100 Kvt/saǵat fotoelektrlik panelderimen jabdyqtalǵan arnaýly turaqtar ornatyldy.
Shell men Zııatkerlik mektepter arasyndaǵy yntymaqtastyq oqýshylardyń ekologııalyq oılaýyn damytyp, jasyl energetıkamen tanystyrý arqyly ǵylymı jobalarmen aınalysýǵa motıvasııa beredi.
Mańǵystaý oblysy
