Balamaly habar taratýdan sıfrlyqqa kóshken kezde oblys ortalyǵynń turǵyndary otandyq 26 telearnalardy qaraı alady, al aýdandar men qalalar 11 tele arnany tamashalaýǵa múmkindik týady. Qazir aýdandarda tek otandyq 3 tele arna – Habar, Qazaqstan, Eýrazııa ǵana kórsetedi.
Sıfrlyq deńgeıge ótýde kiltıpan da joq emes. Oblysta 2014 jyldan buryn shyqqan televızorlar arqyly sıfrlyq efırdi tamashalaý úshin arnaıy qosymsha qondyrǵy (prıstavka) alynýy tıis. Mundaı televızııalyq qondyrǵylarmen áleýmettik az qorǵalǵan, adrestik arnaıy kómek alyp otyrǵan otbasylar bıýdjet esebinen qamtamasyz etilýi tıis. Búginge deıin 7 mln 557 myń teńgege 687 prıstavka alyndy. Al keıbir aýdandar úshin spýtnıktik tarelkalar kerek. Onyń Qamysty jáne Denısov aýdandarynda qajettigi bilinip otyr. Oblys ákimi Arhımed Muhambetov atalǵan aýdan ákimderine 1 shildege deıin spýtnıktik tarelkalar turǵyndar eń az turatyn eldi mekenderdiń barlyǵynda bolýyn tapsyrdy.
«Qazteleradıo» AQ oblystyq fılıalynyń málimetinshe, óńirde, onyń ishinde Qostanaı aýdanynan bastap, balamaly efır taratýdy óshirý jumystary 24-26 maýsym aralyǵynda júre bastaıdy. Odan keıin tamyz-qarasha aılarynda balamaly efır taratý quraldaryn bólshekteý, buzý jumystary júretin bolady.
Qostanaı
