«Biz aı saıyn eń tómengi jalaqyny esepteý monıtorıngin júrgizemiz. Máselen, mindetti zeınetaqy jarnalarynyń túsimderin taldaý nátıjeleri bıylǵy sáýirde 92 myń qyzmetker eńbekaqyny ETJ mólsherinen tómen alǵanyn kórsetti. Sondaı-aq eńbekaqysy tómen qyzmetkerler boıynsha jalaqynyń ósýine monıtorıng júrgizemiz. Qazirgi ýaqytta 203 myńnan astam jumys berýshi 1,1 mln adamnyń eńbekaqysyn arttyrý mindetin óz moınyna aldy» dedi mınıstr.
Eske sala keteıik, Elbasy Nursultan Nazarbaevtyń qazan aıyndaǵy Joldaýyn júzege asyrý úshin 2019 jyldyń basynan bastap eń tómengi jalaqy mólsheri 1,5 esege – 28-den 42,5 myń teńgege deıin óskeni málim.
Buǵan 1,3 mln adam, onyń ishinde bilim berý, densaýlyq saqtaý, áleýmettik qyzmet kórsetý, mádenıet jáne sport salalarynda jumys isteıtin 275 myń azamattyq qyzmetshi qamtyldy.
Budan bólek bıyl maýsym aıynan bastap bıýdjettik salanyń jekelegen qyzmetkerleriniń jalaqysy 30%-ǵa deıin artty.
Densaýlyq saqtaý, bilim berý, áleýmettik qorǵaý, mádenıet, sport, aýyl sharýashylyǵy jáne basqa salalarda jumys isteıtin 1 mıllıonnan astam azamattyq qyzmetshi osy aıda joǵary jalaqy alady.
Endi bir qyzmetkerdiń ortasha jalaqysy 114,5 myń teńgeni quraıdy (2019 jylǵy 1 maýsymǵa deıin 99,6 myń teńgeni qurady).
Bıyl jalaqylardyń ósýine respýblıkalyq bıýdjetten 144,3 mlrd teńge kózdelgen.
