«Barlyq kúsh jumyldyryldy. Arys qalasynyń turǵyndary kóshirildi», — dedi A. Mamın. — О́kinishke oraı eki adam qaza tapty. Jaqyndary men týǵan-týystaryna qaıǵyryp kóńil aıtamyn».
Premer-Mınıstr A. Mamın QR Prezıdenti Qasym-Jomart Toqaevtyń tapsyrmasyna sáıkes turǵyn úılerge, áleýmettik jáne ınfraqurylymdyq nysandarǵa, qala tirshiligin qamtamasyz etýshi nysandarǵa tıgizilgen zalal baǵalanatynyn aıtty.
«Arys qalasynyń turǵyn úı qory jáne ınfraqurylymy qysqa merzim ishinde qalpyna keltiriledi», — dedi Úkimet basshysy.
Qajetti qarajat bólinip, tıisti sheshimder qabyldanady.
«Elimizdiń barlyq azamatyn Arys qalasynyń turǵyndarynyń jaǵdaıy alańdatýda, qoldan kelgen kómekterin usynyp jatyr. Osyǵan oraı, Arys qalasynyń turǵyndaryna kómek kórsetý maqsatynda qarajat jınaý boıynsha "Nur Otan" partııasynyń bastamasyn qoldaýǵa shaqyramyn», — dedi Asqar Mamın.
