Qazirgi kezde osy jarystyń bıletteri Kassir.kz, Ticketon.kz jəne Zakazbiletov.kz. saıttary arqyly satylymǵa shyqty. Esterińizge sala keteıik, Dúnıejúzilik doda eń myqty balýandardyń basyn qosady. Aıtýly básekede júldelermen qatar 2020 jyly Tokıoda alaýy tutanatyn Olımpııa oıyndarynyń da joldamalary sarapqa salynady.
– Nur-Sultandaǵy dúbirli dodany tamashalaý úshin álemniń ər qıyrynan kóptegen jankúıerler keledi dep kútilýde. Sondyqtan da óz otandastarymyzǵa «qazirden bastap, bılet satyp alyńyzdar» dep keńes beremiz. Bıletter baǵasy qoljetimdi – 1 000 men 10 000 aralyǵynda. Shetelde ótetin osyndaı deńgeıdegi jarystarmen salystyrǵanda, bul əldeqaıda arzan. Búgingi tańda kúres túrleri federasııasyna əlemniń kóptegen elderinen bılet alý jóninde usynystar túsýde. Əsirese, Reseı erekshe belseńdilik tanytýda. Biraq bizde bıletterdi satý múmkindigi joq. Sol sebepti de bıletterdi resmı dıstrıbıýtorlar arqyly satyp alǵan jón. Eger biz quqyly bolǵanda kúres túrleri federasııasynyń muryndyq bolýymen ótetin barlyq jarystardaǵydaı əlem chempıonatynyń da bıletterin tegin taratatyn edik – deıdi respýblıkalyq kúres federasııasynyń bas hatshysy Anatolıı Voloha.
