- «Vakyt» gazetindegi Abaı týraly maqala arab tiliniń kallıgrafııasymen jazylǵan,-dedi mýzeıdiń ǵylymı hatshysy Shynar Muratqyzy,-ázirshe maqala maǵynasy zerttelgen joq. Mamandar bul maqala shamamen 1908 jyly jazylǵan dep otyr. Sondaı-aq tatar tilindegi Abaı shyǵarmalary da bar eken, Keńes zamanyndaǵy gazetterden tabyldy.
Jáne mýzeı qyzmetkerleri «Kedeı musylmandardy qamqorlyqqa alý týraly basqarma esebi» degen qujatty da taýyp alypty. Bul 1900 jyly shyqqan. Basqarma 1898 jyly uıymdastyrylyp, quramyna 10 qurmetti múshe, 26 quryltaıshy kirgen. Jınalǵan qarjy qaladaǵy jaǵdaıy joq musylman otbasylaryna berilgen. Músheleriniń ishinde Ánııar Moldabaevtyń da famılııasy tur eken. Bul kisi Abaıdyń tárbıesinde bolǵan adam. Shynar Muratqyzynyń aıtýynsha, barlyq tabylǵan dúnıeler Uly Abaıdyń 175 jyldyǵyna oraı uıymdastyrylatyn kórmege qoıylyp, jurt nazaryna usynylatyn bolady.
Raýshan NUǴMANBEK,
«Egemen Qazaqstan»
