Qyz alyp qashamyn dep sottalyp tyndy

Bizdiń aýyl maldy aýyl edi. Sharýa­­shylyqqa baı­lanysty­ qoı­shy, traktorshy, shopyrǵa jumys bar bolǵanymen, qyz balaǵa joq­qa tán. Kontordaǵy úsh-tórt hat­shylyq, keńselik qyzmet kim­ge jet­sin? Son­dyq­­tan mektep bitir­gen qyz­dardyń deni oqýǵa, bolmasa aǵa­ıyn­daryn jaǵalap qalaǵa ketetin.

Aýylda qyz joq. Qoı­shy, sho­pyr jáne traktor­shy jigit­ter­ge qıyn. Biraq qudy­reti kúshti Qudaı olar­­­dyń basyn ekeý etýdi oı­las­tyryp qo­ıyp­ty. Kók­­­temgi saqman, kúzgi qyr­­­­qym kezinde aýdandaǵy ýchı­­lı­sheniń qyzdary biz­diń aýylǵa aspan­nan tús­ken pe­­rish­telerdeı bolyp saý etip kele qalady. Sodan ara­ǵa apta salmaı ja­typ úı­le­ný maýsymy bastalady. Qyz­darmen bir aýyz sóılesken jigit­ter keshkisin ábden qyz alyp qa­shyp úırenip qalǵan kúr­­kildek «Moskvıch», esi­­­gin qat­ty japsa ish­ten ashyl­maı­tyn, dóńge­leginiń búri ketken «Jı­gý­lıge» kózdegen arýyn­ ar­qa­lap mingizip, úıine bir-aq túsiredi. Sol qyz­dardyń kón­­­­­be­geni neken-saıaq. Al bú­gin­­­de súıip-kúıip qo­syl­­ǵan­dar­dyń jartysy jyl aınalmaı jatyp, ajy­rasyp jatyr. Bir qyzyǵy, saqmanǵa kelgen jáne poıyzdan túsi­rip al­ǵan sol jeńgelerimizdiń bári qosa­ǵymen jaqsy ómir súr­di. Aýyl­dyń mańdaı­aldy kelin­deri boldy. Úl­­kenderden osyndaı, «ba­sy qatty, aıaǵy tátti» oqı­ǵalar­dy ábden estigen bolý kerek, Qyzylorda oblysynyń úsh jigiti qyz alyp qashý «operasııa­syna» alańsyz-aq barǵan eken. Biraq sońy ózderi úshin óte aýyr aıaqtalaryn bil­megen syńaıly.

Basy jaqsy-aq bolǵan. Qa­lyńdyq alyp qashýǵa bekin­gen jigit eki aýyl­dasyn ertip qalaǵa ke­ledi. Bu­ryn sóz baılasyp, keıin habaryn úzgen boı­jetkenniń úıin torýyldaıdy. Tańerteń jumysqa bar­maq­qa shyqqan qyzdyń aldyn kes-kestep, mashınamen apa­ryp tastamaq nıetterin aıtady. Jaǵ­daıdy túsingen boıjetken qyz­­metterinen bas tartqanymen, eli­­rip alǵan úsheý kólikke kúshpen otyr­­ǵyzady.

Quıyndap óz aýdandaryna qa­raı tartady. Soryna qa­raı, jel­deı esip jyl­damdy­ǵyn asyryp kele jatqan mashı­nany jergilikti polısııa qyz­metkerleri toqtatady. Ar jaǵy belgili. Botadaı bozdap otyrǵan qyz, repeti ketken úsh jigit. Qyz alyp qashqysh bo­zym­­baılar polısııa bólimine jet­kizilgen. О́tken jyldyń or­ta­­­synda qozǵalǵan is jýyrda aıaq­­taldy.

«Atalǵan qylmystyq is Qy­zylorda qalasynyń №2 so­tyn­da qaraldy. Olardyń ústi­nen Qyl­mystyq kodeks­tiń 125-babynyń 2-bóligi 1-tar­ma­­ǵy­men is qozǵaldy. Sol bo­ıyn­­sha kináli dep ta­nylǵan sot­ta­lýshylarǵa 7 jylǵa shart­ty jaza ta­ǵaıyndaldy», deıdi Qy­zyl­or­­da qalasy sotynyń bas­pa­sóz qyz­meti.

«Oınaqtaǵan bota ot­ basady» deıdi halyq da­na­lyǵy. Kez­inde sóz baı­lasqan qyzy­nyń kón­be­genine qaramaı alyp qash­qan ji­git ózimen birge dos­taryn da temir torǵa súırep ketti. О́ki­nishti...

Joǵaryda aıtqany­myzdaı, bu­ryn­ǵynyń oqı­ǵalary ǵoı. Qazir zaman basqa, zań basqa. Qyzdy er­ki­­nen tys alyp qa­shý adam ómi­rine qastandyq jasa­ǵanmen bir­deı. Qyl­mystyq kodekstiń arnaýly baby bar.

«Atam alyp qashyp ke­lipti. Ájem lám demeı ke­lin bolyp túsip­ti» degen búgin­de ót­kenniń ertegisi bo­lyp qal­dy. Qyz alyp qashýdyń qahar­man­daryna úsh jigit­tiń oqıǵasy sa­baq bolsa, qanekı.

Qyzylorda oblysy