MAMYRSÚIGEN
Sáýle shashqan, alaýlaǵan
shyraıly,
Mamyrsúıgen dep ataıyq bul aıdy,
Sebebi, bir jamandyqtan aýlaq bop,
Bir jaqsylyq bolatuǵyn syńaıly.
Sıren ósken baqshalarǵa bir
baryp,
Ińkárdarııa seziminde yrǵalyp,
Júreıikshi, keýdege án toltyryp,
Júzimizge narttaı qyzyl nur tamyp.
Jaǵý úshin shyraqtardan bir
alaý,
Kerek shyǵar tuńǵıyqqa qulamaý.
Múmkin bizdiń jolymyz da ashylar,
Múmkin bizge baq qonatyn shyǵar-aý.
Sáýle shashqan, alaýlaǵan
shyraıly,
Mamyrsúıgen dep ataıyq bul aıdy,
Sebebi, bir jamandyqtan aýlaq bop,
Bir jaqsylyq bolatuǵyn syńaıly.
***
Tanys áýen estigende qulaǵym,
Keýdeme ornap qalatyndaı bir aǵyn.
Saǵyndym men qaıtqan qazdyń qańqylyn,
Tyrnalardyń tyraýyn.
Sáýlesine shomylǵanda saǵym qyr,
Shýaǵyna jylyna alsam baǵym bul.
Taýdan aqqan tas bulaqtyń, táńirim,
Móldirligin saǵyndyr.
Dala, dala
kókiregin kórik dep,
Jyrlaryńdy,
Jumbaǵyńdy berip ket.
Aq seleýge uqsasa eken óleńim,
Aq jýsanǵa eliktep.
Suńǵaq atty,
sulý qyzdy, symbatty,
Saǵym dala qanshama ándi tyńdatty.
Sheshile bir syr aqtarsam dep edim,
Shıege aýnap kún batty...
JEŃ
Estelikter - kóńilimdi
qozǵasyn,
Eski kúnniń bilem endi ozbasyn.
Bala kezde oınaǵan bop,
(shynymen)
jylqylardyń súrtip júrdim kóz jasyn.
Súrtip júrdim shubatylǵan jeńimmen
kóz jasy endi aqpaıtyndaı senimmen.
Eshteńege mán bermedim, elemeı,
eshteńe de baıqalmady óńimnen.
Qazir endi salam dəýren
ənime,
Qaıraty bar, jiger tunǵan jany de!
Myqtymyn ǵoı!
...Tek baıaǵy uzyn jeń
sý-sý bolym turǵan syndy áli de.
***
Kúmis saýsaq.
Altyn keýde. Aq bilek.
Jyr saýlaǵan burymyńnan baq tilep.
Seniń kóziń qaraqattan qap - qara,
Seniń erniń qulpynaıdan táttirek.
Sezimderdiń
aıaýlysy alǵashqy-aı...
Tózim bitip, sózderim de jalǵaspaı.
О́mirińniń qıyndyǵyn bilmeımin,
Kóńilińniń náziktigi raýǵashtaı.
Alaqanyń jylýy
mol Kún shyǵar,
Erkeligiń jibekteıin tún shyǵar.
Kóz qıyǵyn tastap ketseń tasada,
Jigit bitken jastyǵyna tunshyǵar.
Teńeı kórme
perishtege, eleske,
Túsirmeıdi Láıláni de ol eske.
Sulýlyqta daryn joq dep kim aıtty,
Sulýlyqtyń ózi daryn emes pe?
***
Muz qursanǵan bulaqty
Jaryp shyǵyp syldyraǵan sý aqty;
Bireý seniń surap edi jasyńdy,
Seniń jasyń –
Kóktem edi shýaqty.
Baýyrynda ósip shyǵyp aýyldyń,
Qara kózdiń qudiretimen aýyrdym.
Gúl kómkergen kók kóılekti kıip ap,
Kerbez turdyń,
Qurdasyndaı səýirdiń.
Muratyna jetpegenniń,
Jetkenniń,
Peıiline beretinin kóp kórdim.
Jaqsy adamdar – jylýlyqtyń aınasy,
Jaqsy adamdar – kóshirmesi kóktemniń.
***
Qulatpaı jyldarǵa
eńseni,
Taý bolyp shydadyń bar synǵa.
Nəzik ún estidim
Men seniń
Meıirimdi fatıha daýsyńda.
Bilemin ózińde baq baryn,
Bilemin ózińsiz kóńil-muń.
Ońasha nalyǵan shaqtaryń,
Nazyndaı naıqalǵan ómirdiń.
Aıaýly sətterim kóp edi.
Keýdeme kóshirip ən asyl.
Men saǵan uqsaǵym keledi,
Uqsaǵym keledi,
Anashym…
***
Jańbyrdyń astynda júgirip,
Jyp-jyly keýdeni toltyrdy bir úmit.
Jerdiń de oqaly etegi búrlendi,
Kók bátes maısamen qulpyryp.
"Júrekpen
sezgenmen, kóńilde taramas"
Jylaıdy japyraq, qymtalyp tal-aǵash,
Jańbyrdyń ıisi –
Jýsany qazaqtyń
Fransýz átiri aralas.
Qyzyldy, jasyldy jalǵan-aý,
О́zińnen úırendim boıaýyn talǵamaý.
...Men bolsam jańbyrdyń astynda júrem
dep,
Janymdy shylqytyp alǵam-aý...
