Sýretti túsirgen Temirbolat TOQMÁMBETOV
О́ńir basshysy Qazaqstan Respýblıkasy buqaralyq aqparat quraldary qyzmetkerleriniń kásibı merekesi bıyl Prezıdent Qasym-Jomart Toqaevtyń Jarlyǵymen derbes merekege aınalǵanyn, demokratııa jolyna bet alǵan qoǵamda jýrnalısterdiń orny erekshe ekenin atap ótti. Batys Qazaqstan oblysy aýmaǵynda qyzmet etip jatqan 74 BAQ nysany bolsa, olardyń árqaısysy halyq pen bılik arasyn jalǵap, jedel aqparat taratyp, kópshiliktiń alǵysyn alyp júr.
Bul kúni Batys Qazaqstan oblystyq «Aqjayiq» telearnasynyń dırektory Asylanbek Ǵubashev pen «Jaıyq Press» medıaholdınginiń basshysy Raýan Sábıtov elimizdiń buqaralyq aqparat quraldary salasyn damytýǵa eleýli úles qosqany úshin Qazaqstan Respýblıkasy Prezıdenti Qasym-Jomart Toqaevtyń Alǵys hatyna ıe boldy.
Al uzaq jyl jýrnalıstıka salasynda abyroıly eńbek etken ardager tilshi, Qazaqstan Jazýshylar odaǵynyń múshesi, aqyn Aıtqalı Nárikov «Qazaqstannyń qurmetti jýrnalısi» atandy.
Sondaı-aq bul kúni óńirdegi jýrnalıstıka salasyn damytýǵa úles qosyp júrgen birqatar tilshi-jýrnalıst Batys Qazaqstan oblysy ákiminiń alǵys haty men arnaıy syıaqyǵa ıe boldy.
