Sport • 02 Shilde, 2019

Kabananganyń ornyna Mýbele keldi

311 ret

kórsetildi

1 mın

oqý úshin

Elordanyń «Astana» fýtbol klýby Chempıondar lıgasynyń irikteý kezeńi qarsańynda quramyn Kongo DR quramasynyń jáne Fransııanyń «Týlýza» komandasynyń shabýylshysy Fırmın Mýbelemen kúsheıtti. «Astana» Kongolyq shabýylshyny bir jylǵa jalǵa aldy.

Álı BITО́RE

Kongolyq shabýylshy karerasyn óz otanynda bastap, artynsha Katardyń «Ál-Ahlı», odan soń elorda jankúıerlerine jaqsy tanys Fransııanyń «Renn» klýbynda dop tepken. «Astana» klýbyna deıin Mýbele «Týlýza» komandasynda oınaǵan.

25 jastaǵy Mýbele Fransııanyń eń joǵary chempıonatynda 60 oıyn ótkizip, 10 gol soqqan. Sondaı-aq ol Kongo DR quramasy sapynda ótkizgen 45 oıynda 9 ret mergendigimen kózge túsken.

Fırmın Mýbele «Astana» sapyndaǵy ekinshi Kongolyq fýtbolshy atandy. Buǵan deıin elorda komandasynda jalda oınaǵan Jýnıor Kabananga jýyrda ǵana Saýd Arabııasysynyń «Ál-Nasr» klýbyna qaıta oraldy.

Jýnıor «Astana» sapynda 128 oıyn ótkizip, 42 gol soǵyp, 13 nátıjeli pas bergen. Kongolyq shabýylshy osy nátıjesi arqyly klýb tarıhyndaǵy úzdik surmergenderiń úshtigine endi.

Aıta keteıik, «Astana» klýby 9 shildede «Astana Arena» stadıonynda Chempıondar lıgasynyń alaǵashqy irikteý kezeńi aıasynda Rýmynııanyń ChFR komandasyn qabyldaıdy.