Fraksııa jetekshisi Magerram Magerramov Memleket basshysynyń bastamasymen júzege asyp jatqan reformalar azamattardyń el taǵdyryna belsendi aralasýyna serpin bergenin atap ótti. Onyń aıtýynsha, bul ózgerister qoǵamdy sheshim qabyldaý úderisterine keńinen tartýǵa baǵyttalǵan.
«Konstıtýsııalyq reformanyń bastaýy – Prezıdenttiń 2025 jylǵy Joldaýynda jarııalaǵan bir palataly Parlament qurý jónindegi bastamasy boldy. Osyǵan baılanysty Parlamenttik reforma jónindegi jumys toby qurylyp, ol 6 aı boıy jumys istedi. Jumys tobyna Parlament reformasy boıynsha 600 usynys, Konstıtýsııaǵa ózgerister engizý jóninde 1 600-den astam usynys tústi. Azamattardyń aıqyn suranysyn eskere otyryp, Memleket basshysy Ulttyq quryltaıdyń besinshi otyrysynda Konstıtýsııalyq reforma júrgizýdi usyndy. Osy maqsatta Konstıtýsııalyq reforma jónindegi komıssııa quryldy. Komıssııa quramyna elimizdiń barlyq óńirlerinen jáne túrli kásibı salalardan 130 adam kirdi. Komıssııaǵa 2 000-nan astam usynys kelip tústi. Olar zerdelenip, jınaqtalyp, 30 qańtarda jańa Konstıtýsııa jobasy usynyldy. Qazir bul qujat qoǵamda keńinen talqylanyp jatyr», dedi M.Magerramov.
Adamı kapıtal – memlekettiń basty baılyǵy: AMANAT fraksııasy Jańa Konstıtýsııa jobasyn talqylady
Jańa Konstıtýsııa jobasy Ulttyq quryltaıdyń ókilettigin keńeıtýdi kózdeıdi ári jańa joǵary konsýltatıvtik organ – Halyq keńesin qurýdy usynady. Bul organǵa Konstıtýsııada jeke bólim arnalyp, onyń qyzmeti arnaıy konstıtýsııalyq zańmen rettelmek. Sonymen qatar qujatta Qazaqstan Respýblıkasynyń Vıse-prezıdenti ınstıtýtyn engizý qarastyrylǵan. Bul bastamany Memleket basshysy bıylǵy 20 qańtarda Qyzylordada ótken Ulttyq quryltaıdyń qorytyndy otyrysynda kótergen bolatyn aıtqan edi.
«Vıse-prezıdent ınstıtýtyn engizý bılik tranzıti kezindegi júıelik táýekelderdi tómendetedi. Memleket bıliktiń sabaqtastyǵyn qamtamasyz etetin, aldyn ala aıqyndalǵan tetikke ıe bolady. Bul – shuǵyl saıası ımprovızasııalarǵa jol bermeıtin sheshim. Qazaqstan Halyq partııasynyń fraksııasy elde júrgizilip jatqan Konstıtýsııalyq reformany tolyq qoldaıdy», dep málimdedi fraksııa jetekshisi.
«Aýyl» fraksııasynyń depýtattary Ata zań jobasyn biraýyzdan qoldady
Otyrys barysynda depýtattar da óz kózqarastaryn bildirdi. Irına Smırnova jańa Negizgi zańnyń preambýlasyna erekshe toqtalyp, ony «jańa Konstıtýsııanyń kompasy» dep atady.
Asylbek Nuralın jańa Konstıtýsııada eńbek etý quqyǵynyń naqty bekitilýi Halyq partııasynyń saılaýaldy baǵdarlamasymen tolyq úndesetinin atap ótti.
Seıtjan Kenjegúl memlekettiń áleýmettik baǵyttaǵy saıasatyn azamattardyń quqyqtary men bostandyqtaryn qorǵaýdyń basty qundylyqtyq negizi retinde qoldaıtynyn jetkizdi.
Al Islam Suńqar jańa Konstıtýsııa eldiń ǵylymı jáne ınnovasııalyq damýyna múlde jańa baǵdar beretinin aıtty.
Fraksııa músheleri jańa Konstıtýsııa Qazaqstannyń berik irgetasyna aınalyp, sonyń negizinde azamattardyń kepildendirilgen quqyqtary men bostandyqtary nyǵaıatynyna senimdi. Sonymen birge bul qujat halyqtyń el isine naqty ári tıimdi túrde qatysýyna keń múmkindik ashady dep esepteıdi.
Jalpyulttyq sosıal-demokratııalyq partııa Ata zańnyń jańa jobasyn talqylady
