QR Premer-Mınıstri Asqar Mamın QR Parlament Palatalarynyń birlesken otyrysynyń jumysyna qatysty, onda VI shaqyrylymyndaǵy tórtinshi sessııa jumysyn jabý týraly sheshim qabyldandy.
Otyrysty QR Parlament Májilisiniń Tóraǵasy Nurlan Nyǵmatýlın ashty. Sessııa barysynda barlyǵy 5 birlesken Palata otyrysy, Májilistiń 41 plenarlyq otyrysy jáne Senattyń 26 plenarlyq otyrysy ótti, olarda 319 mańyzdy másele qaralyp, 83 zań jobasy qabyldandy, onyń ishine 82-sine Memleket basshysy qol qoıdy jáne olar zańdy kúshine endi.
Sessııalar kezinde qabyldanǵan asa mańyzdy zańdardyń qatarynda 2019-2021 jyldarǵa arnalǵan respýblıkalyq bıýdjet, jumyspen qamtý boıynsha zańǵa túzetýler, densaýlyq saqtaý, kınematografııa, kólik, standarttaý, máseleleri boıynsha zańdar, bıznes ortany damytý jáne saýda qyzmetin retteý máseleleri boıynsha zańnamaǵa ózgerister engizý, ortalyq jáne jergilikti atqarýshy organdardyń fýnksııalaryn básekeli ortaǵa berý máseleleri týraly zańdar bar.
Qazirgi kezde Parlament portfelinde 34 zań jobasy bar. Olardyń qatarynda 2020-2022 jyldarǵa arnalǵan respýblıkalyq bıýdjet, «Halyq densaýlyǵy jáne densaýlyq saqtaý júıesi týraly» Kodeks, jańa Ekologııalyq kodeks, pedagog statýsy týraly zań jobasy bar.
Budan keıin zań shyǵarýshylyq qyzmet QR Tuńǵysh Prezıdenti - Elbasy Nursultan Nazarbaevtyń Qazaqstan halqyna Joldaýlaryn, áleýmettik bastamalaryn jáne Memleket basshysy Qasym-Jomart Toqaevtyń saılaýaldy baǵdarlamasynyń 10 mańyzdy baǵytyn iske asyrýdy qamtamasyz etýge baǵyttalatyn bolady.
