Atmosferalyq aýa, topyraq jáne sý synamalaryn alý jumystaryn júrgizý úshin, «Qazgıdromet» Túrkistan jáne Qyzylorda oblystary boıynsha eki aımaqtyq fılıaldarynyń jyljymaly mobıldik laboratorııalary iske qosylyp, tez arada tótenshe jaǵdaılar bolǵan jerge attanyp, ol jaqta 8 táýlik boldy. Oqıǵadan keıin birinshi táýlikterde laboratorııa qyzmetkerleri Arys qalasynda TJM qyzmeti jáne Ákimshilikpen birlesip jumys jasady, al keıin olarǵa belsendi azamattar men blogerlar qosyldy. Sondaı-aq, Arys qalasynyń kópshilik turǵyndary laboratorııa jumysyn baqylap, mamandar keńesin jáne atmosferalyq aýa, topyraq jáne sý jaǵdaılary boıynsha keńeıtilgen aqparat aldy.
27 maýsym men 4 shilde aralyǵynda atmosferalyq aýa, topyraq, radıasııalyq fon, Arys ózeni sýynyń kún saıynǵy synamalarynda normadan asý bolǵan joq. Joǵary (ekstremaldy joǵary) lastaný tirkelmedi.
Normadan asý bolmaǵandyqtan, «Qazgıdromet» 2019 jylǵy 5 shildeden bastap, shilde aıynyń sońyna deıin Arys qalasynyń jospardan tys monıtorıngin apta saıynǵy negizde júrgizýge kóshedi.
