Dostyq úıiniń ujymy atynan «Qazaq tili» halyqaralyq qoǵamynyń Soltústik-Shyǵys óńiri boıynsha vıse-prezıdenti Oral Sháripbaev sóz alyp, aǵalyq tilegin, qazaqy yqylasyn da bildire kele, óz qolymen qazaqtyń qasıetti dombyrasyn usyndy. Oral Sháripbaevtyń qolynan dombyra alǵanyna qýanǵan jas ana rızashylyǵyn bildirdi.
- Biz bundaı sharalardy jıi uıymdastyramyz,-dedi mekeme dırektorynyń orynbasary Anargúl Dannanova,-Naýryzǵa, Balalardy qorǵaý kúnine, 8 naýryz, Prezıdent kúnine oraılastyra quttyqtap jatamyz. Búgin Dombyra kúnine oraı d arnaıy aksııa uıymdastyrdyq. Analarǵa syı-syıapattar kórsettik. Almıranyń uly tańǵy 05.40-ta dúnıege keledi. Oǵan balanyń tósegin syıǵa tarttyq. Ulynyń densaýlyǵy qudaıǵa shúkir jaqsy.
Bul Almıra Rahmetjanovanyń tórtinshi balasy eken. Ol bolashaqta ulynyń zań salasynda qyzmet etkenin, sýdıa bolýyn qalaıdy. Sondyqtan oǵan Zańǵar dep at qoıypty. Perınataldy ortalyq qyzmetkerleri men Dostyq úıiniń ókilderi Zańǵardyń aman-esen úlken azamat bolyp ósýin, ulttyq salt-dástúrdi qurmetteýin tiledi.
Raýshan NUǴMANBEKOVA
«Egemen Qazaqstan»
SEMEI
