Qazaqstan Eýropalyq Odaq - Ortalyq Azııa formatynda qarym-qatynas quraldaryn tıimdi paıdalanýǵa, sondaı-aq óńirmen ózara is-qımyl jónindegi EO-nyń jańa strategııasy aıasynda osyndaı yntymaqtastyqtyń tutastyǵyn, vızýalızasııasyn jáne kórneki qabyldaýyn qamtamasyz etýge kóńil bólýdi usynýda. Bul týraly búgin Qyrǵyzstannyń astanasynda ótken «Eýropalyq Odaq - Ortalyq Azııa» 15-shi jyl saıynǵy mınıstrlik konferensııasynyń sheńberinde Qazaqstan Respýblıkasynyń Syrtqy ister mınıstri Beıbit Atamqulov málimdedi.
Jyl saıynǵy forýmǵa sondaı-aq Qyrǵyzstan, Tájikstan, О́zbekstan syrtqy saıası vedomstvolarynyń basshylary, Túrikmenstan syrtqy ister mınıstriniń orynbasary jáne Eýropalyq Komıssııanyń Vıse-prezıdenti – Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili Federıka Mogerını qatysty.
Konferensııanyń ortalyq oqıǵasy EO-nyń Ortalyq Azııa boıynsha jańa strategııasynyń resmı tusaýkeseri boldy. F. Mogerını óz sózinde Strategııanyń negizgi erejelerin iske asyrý úderisi qalaı jáne qandaı nysanda júrgiziletinine egjeı-tegjeıli toqtady.
О́z kezeginde QR Syrtqy ister mınıstri Strategııa mátinine Jeke kásipkerlikti, shaǵyn jáne orta bıznesti, kólik-logıstıkalyq ınfraqurylymdy, energııa tıimdiligin, qorshaǵan ortany qorǵaý, klımattyń ózgerýine qarsy kúres, sý resýrstaryn tıimdi paıdalaný, bilim berý, sıfrlandyrý boıynsha jáne t.b. qazaqstandyq usynystardy engizýdi quptady.
«Qazaqstan EO-nyń eki jaqty jobalaryn Qazaqstanǵa qaıtarýdyń mańyzdylyǵyn, sondaı-aq EO-OA úshinshi eldermen birlesken baǵdarlamalaryn iske asyrý múmkindigin atap ótedi», - dep Qazaqstannyń SIM basshysy óz sózinde málimdedi.
Pikirtalastar barysynda kezdesýge qatysýshylar EO-OA yntymaqtastyǵynyń kún tártibindegi jáne ony birlesip iske asyrýdyń negizgi máseleleri boıynsha pikir almasty. Qazaqstandyq delegasııa óńirlik jobalardy qarjylandyrý úshin EO Investısııalyq tetiginiń (IFCA) áleýetin jáne Eýropalyq ınvestısııalyq banktiń (EIB) múmkindikterin iske qosýdy, sondaı-aq osy formattyń sheńberinde qabyldanatyn saıası sheshimderdiń tıimdiligin jáne halyq habardarlyǵyn arttyrý maqsatynda EO-OA yntymaqtastyǵynyń «vırtýaldy ınstıtýsıonaldanýyn» ótkizýdi usyndy.
Taraptardyń jeke nazary óńirlik qaýipsizdik máselelerine, sonyń ishinde Eýropalyq Odaqpen birlesken shekaralardy basqarýǵa járdemdesý baǵdarlamasyn (BOMKA), esirtki jónindegi is-qımyl baǵdarlamasyn (KADAP) jalǵastyrýǵa jáne keńeıtýge, sondaı-aq Ortalyq Azııa óńirlik aqparattyq úılestirý ortalyǵy (OAО́AÚO) jelisi boıynsha yntymaqtastyqty jandandyrýǵa bólindi.
Is-sharanyń qorytyndysy boıynsha Syrtqy ister mınıstrleri jáne EO Joǵarǵy ókili «EO jáne Ortalyq Azııa: Kúshti seriktestikti birge qura otyryp» qorytyndy kommıýnıkesin qabyldady. Mátinde EO Ortalyq Azııa elderiniń ulttyq kúshterin qoldaý, óńirdiń álemdik saýda júıesine tabysty kirigýi jáne óńirishilik yntymaqtastyqty ilgeriletý úshin óz arsenalyndaǵy barlyq quraldardy iske qosýǵa nıetti ekendigi aıtylǵan.
«Qazaqstan Jańa strategııada EO-OA quraldaryn tıimdi paıdalanýǵa, sondaı-aq EO-OA yntymaqtastyǵynyń tutastyǵy men kórneki qabyldaýyna jáne vızýalızasııany qamtamasyz etýge kóńil bólýdi usynady», - dedi Qazaqstan SIM basshysy.
Taraptar sondaı-aq 2019 jylǵy 5-6 shildede Bishkekte ótken memlekettik jáne jeke sektorlardyń, EO jáne OA azamattyq qoǵamynyń Strategııany iske asyrýǵa jáne qatysýyna baǵyttalǵan «Eýropalyq Odaq-Ortalyq Azııa» birinshi forýmynyń ótkizilýin qoldady.
Taraptar osydan buryn Qazaqstan men basqa memleketter tarapynan Eýropa jáne Ortalyq Azııa bıznesi arasyndaǵy praktıkalyq ózara is-qımyldy jolǵa qoıý úshin negiz bolatyn «Eýropalyq Odaq-Ortalyq Azııa» ekonomıkalyq forýmyn qurý týraly usynysty qoldady, sonymen qatar Qyrǵyzstannyń atalmysh forýmnyń alǵashqy otyrysyn ótkizý nıetin quptady.
Kommıýnıkede F. Mogerınıdiń EO syrtqy saıasatynyń basshysy retinde Eýropalyq Odaq pen Ortalyq Azııa arasyndaǵy qarym-qatynastardyń nyǵaıýyndaǵy róli erekshe atalyp ótildi.
Kelesi Eýropalyq Odaq-Ortalyq Azııa mınıstrlik kezdesýi 2020 jyly Brıýsselde ótedi dep kútilýde.
