"Qurmetti bilim salasyna beıjaı qaramaıtyn azamattar. Sońǵy kúnderi áleýmettik jelide bilim salasyna qatysty birneshe FAKE NEWS (jalǵan aqparat) taralyp jatyr. Tipti qısynǵa kelmeıdi. Keıbir azamattardyń pikirinshe, QR Bilim jáne ǵylym mınıstrligi oqý aqysyn 20%-ǵa kóterińder degen tapsyrma beripti. Ashyǵyn aıtaıyn, bul oıdan shyǵarylǵan ótirik aqparat. Mınıstrliktiń ondaı jospary joq. Negizsiz jáne faktisiz aqparattardan abaı bolýlaryńyzdy suraımyn. Biraq, bir máseleni túsinýimiz kerek. Memleketimizde 131 JOO bar, sonyń kóbi jekemenshik, olar naryqtyń yńǵaıyna qaraı jumys isteıdi. Mınıstrlik naryq zańdylyǵyna aralasa almaıdy. Biraq, aqyly oqýdan bólek granttar da bar ekenin aıtqym keledi. Granttardyń sany ótken jyly 20 myńǵa kóbeıse, bıyl taǵy Prezıdenttiń tapsyrmasyna saı 5 myńǵa kóbeıdi", delingen aqparatta.
Sonymen qatar ol Qazaqstandaǵy JOO-nyń ortasha quny 350-420 myń teńgeni quraıdy dep jazdy ol.
"Biraz JOO-darynda osy jylǵy oqý aqysy, kerisinshe, arzandady. Mysaly, QarMÝ-da oqý quny 7000 teńgege azaısa, Almaty menedjment ýnıversıteti oqý aqysyn 7%-ke tómendetýge nıetti. Tek keıbir JOO-dary oqý aqysyn shamamen 4-8%-ǵa arttyrdy. (Oqý aqysyn arttyrǵan JOO-dary: JMÝ - 4%, Abylaı han atyndaǵy QazHQjÁTÝ - 8-10%, Kaspıı qoǵamdyq ýnıversıteti - 10%, Abaı atyndaǵy QazUPÝ - 1-2%, HQTÝ - 8%, Qaraǵandy medısınalyq ýnıversıteti - 3%, QazUQPÝ - 7%). Ol stýdent pen ýnıversıtet arasyndaǵy kelisimniń normalaryna sáıkes. Kóptegen JOO-dary oqý aqysyn ózgerissiz qaldyrdy. Mysaly, Sátbaev ýnıversıteti, PMÝ, Q.Jubanov atyndaǵy AО́MÝ, О́.A. Baıqońyrov atyndaǵy Jezqazǵan ýnıversıteti, ETÝ, Shákárim atyndaǵy SMÝ, Almaty energetıka jáne baılanys ýnıversıteti, Turan-Astana, Sh.Ýálıhanov atyndaǵy KMÝ, Qaraǵandy ekonomıkalyq ýnıversıteti, Áýezov atyndaǵy OQMÝ, Qorqyt Ata atyndaǵy QMÝ, H.Dosmuhamedov atyndaǵy AMÝ, Q.Amanjolov atyndaǵy ShQMÝ, Halyqaralyq aqparattyq tehnologııalar ýnıversıteti – IITU, Semeı qalalyq medısına ýnıversıteti, QazUAÝ jáne t.b.", delingen aqparatta.
