«Eýrazııa» júldesin otandyq rejısser aldy

Iá, sońǵy bir aptada Nur-Sultan qalasy fılm týdyrýshylar, ony kópshilikke taratatyn mamandar jáne kınosúıer qaýymnyń shyǵarmashylyq pikir men úzdik tájirıbe almasý alańyna aınaldy. Oǵan álemniń túkpir-túkpirinen úzdik akter, rejısser men jetekshi prodıýserlerdi jınaǵan XV Ha­lyqaralyq «Eýrazııa» kınofes­tıvaliniń ótkizilýi sebep.

Festıval baǵdarlamasy qanshalyqty san tarapty bolsa, qorytyndy nátıjeni kútken qaýymnyń kóńil tolqynysy men ishki arpalysy da alýan túrli boldy. О́ıtkeni ár kórermenniń óz tańdaýy bolǵanymen de, sheshýshi sóz – báribir qazylar alqasynyń quzyrynda. Al shyǵarylǵan nátı­jemen meıli qoldańyz, meıli qarsy shyǵyńyz, báribir keli­sýge týra keledi. Sebebi óner – sheksizdik desek te, júlde – shekteýli. 

Saltanatty jıyndy Máde­nıet jáne sport mınıstri Aqtoty Raıymqulova óziniń quttyqtaý sózimen ashyp berdi. 

– Mine, búgin elorda kúnimen jáne Jastar jylymen oraılasyp kelgen HV Halyqaralyq «Eýrazııa» kınofestıvali óz má­resine jetip otyr. Tamasha kı­no merekesimen barshańyzdy quttyqtaýǵa ruqsat etińizder. Iá, shynymen de, festıvaldiń jeti kúni kóptegen shyǵarmashylyq kezdesýler men jarqyn oqıǵalarǵa toly boldy. Jáne osylardyń ishindegi kıno mamandary men kórermender úshin eń mańyzdysy – Eýrazııa qurlyǵynyń «men» degen úzdik kınogerleriniń ártúrli janrdaǵy fılmderin tamashalaýǵa múmkindik alǵany. Aldaǵy ýaqytta da festıvalimiz odan ári damyp, qanatyn keńge jaıa berýine tilektespin. Sondaı-aq aıtýly óner baıqaýynyń aıasynda shetelden kelgen mamandar jáne ózimizdiń otandyq kınematografıster bir-birimen kásibı tájirıbe almasyp, álemniń úzdik kıno mamandary men kompanııalary arasynda mańyzdy resmı qujattarǵa, memorandýmdarǵa qol qoıyldy. Bolashaqta da otandyq kınomyzdy damytyp, mártebesin bıik etýge baǵyttalǵan jemisti de jarqyn jumystar jasala beredi dep senemin, – dep baıqaý qatysýshylary men qonaqtaryna quttyqtaý lebizin jetkizgen mınıstr festıval jeńimpazdaryn marapattaý rásimi aldynda Qazaq­stannyń halyq ártisi Doshan Joljaqsynovqa «Qazaqstan kıno­synyń damýyna qosqan úlesi úshin» arnaıy syılyǵyn tabys etti. 

Ulttyq kınemato­grafııa­myz­dyń ardagerlerin eleýli eń­begi úshin marapattaǵan tolqy­nysty sátti odan ári de jaǵym­dy jańalyqtar jalǵady. Atap aıt­saq, festıvaldiń bas seriktesi «Habar» agenttiginiń arnaıy dıplomdarymen – tatar rejısseri Iýlııa Zaharovanyń «Halıma» fılmi jáne rejısser Azız Zaı­rovtyń «Qyz ben teńiz» kıno­týyn­dysy marapattaldy. Al «NETPAC tańdaýy» baıqaýdan tys baǵdarlamasynyń júldesi reseılik «Alpaýyt» («Dylda») lentasyna buıyrdy. Syılyqty ataqty qytaılyq rejısser Se Feı tapsyrdy. 

Mine, sóıtip qatysýshylardy jáne jankúıerlerdi uzaq kúttir­gen negizgi baıqaýdyń jeńim­pazdarynyń esimi jarııalanar tolqynysty sát te kelip jetti. Sal­tanatty rásim áýeli úzdik qysqa metrli fılmderdi marapattaýdan bastaldy. Atalǵan baıqaý boıynsha Gran-prı júldesi qytaılyq «Jarqyn kúnder» kınolentasyna buıyrdy. Fılm rejısseri Marııa Habýll Gollıvýdtyń sheteldik baspasóz qaýymdastyǵynyń atqarýshy hatshysy Sergeı Rahlınniń qolynan marapatqa ıe boldy. Al qazylar alqasynyń arnaıy júldesin ózbekstandyq Sho­kır Holıkovtyń «Sháı» fıl­mi jáne belarýs Mıtrıı Semenov-Aleı­nıkovtyń «Franka» kınotýyndylary enshiledi. 

«Úzdik akter» júldesi «Eho» fıl­mindegi (Izraıl, 2018 j) sátti jumysy úshin Ioram Tole­danoǵa buıyrsa, «Úzdik aktrısa» ataǵy «Alısa» fılmindegi (Fransııa, Aýstralııa, 2019 j) róli úshin Emılı Pıponnege berildi. Júldeni tanymal reseılik akter Kırıll Grebenshıkov tabystady. Sonymen qatar bul atalymdaǵy qazylar alqasynyń arnaıy syı­lyǵyn Lıýbov Borısovanyń «Me­­niń tóbemnen kún batpaıdy» kartınasy (Saha Respýblıkasy (Iаkýtııa), 2019 j) jeńip aldy. 

Al «Úzdik rejısserlik ju­mys» atalymyndaǵy júl­deni Qazaqstannyń halyq ártisi, qa­zaq­­standyq kınematogra­fııa metri Talǵat Temenov ońtústik- koreıalyq «Parazıtter» fılmniń rejısseri Pon Djýn Hoǵa tabys etti. «Úzdik ssenarıı úshin» ataly­myndaǵy syılyq Ma­ke­donııa, Belgııa, Fransııa, Horvatııa, Slovenııa elderiniń ortaq jobasy – «Qudaı bar, onyń esimi – Petrýnııa» fılminiń avtorlary Teona Strýgar Mıtevska men Elma Tataragıchke berildi.

Jeńimpazdardy marapattaý rásiminiń sharyqtaý shegi – árıne, bas júlde ıesiniń esimi jarııalanar sát. Sonymen, XV Halyqaralyq «Eýrazııa» kınofestıvaliniń Gran-prıi otandyq rejısser Far­hat Sháripovtyń «Tulǵalyq ósý trenıngi» (2019 j) fılmine buıyr­dy. Júldeni halyqaralyq qazylar alqasynyń tóraǵasy, tanymal vengr rejısseri Tamash Tot tabystady. 

Marapattaý rásiminen keıin festıvaldiń prezıdenti, Kı­nematografıster odaǵynyń tór­­aǵasy, belgili kınorejısser Ermek Tursynov sahnaǵa shy­ǵyp, saltanatty jıyndy qory­­tyndylady. Aıtýly kıno merekesi aıasynda ótken is-sharalar men kórsetilimder kórermender qatty qyzyǵýshylyǵyn týdyr­ǵanyn atap ótip, baıqaýǵa qaty­sýshylardyń, halyqaralyq qazy­lar alqasy músheleriniń ju­mysy úshin alǵysyn bildirip, jeńimpazdardy quttyqtady.