Jer taǵdyry men el taǵdyry synǵa túsken tar zamanda danalyǵymen, ádildigimen, qara qyldy qaq jarǵan sheshendigimen tarıh betinde esimi tasqa qashalyp jazylyp qalǵan tulǵanyń 185 jyldyǵyna arnalǵan baspasóz konferensııasyna úrim-butaǵy, zııaly qaýym ókilderi, ǵalymdar men tarıhshylar qatysty. Jazýshy-jýrnalıst Jarasbaı Súleımenov, memlekettik arhıvtyń dırektory Sáýle Málikova, Urpaq qazaq mádenı uıymynyń tóraıymy Gúlbaqsha Musabaeva, taǵy basqalary 1834-1917 jyldar aralyǵynda babamyzdyń qazirgi Maǵjan Jumabaev aýdanynda ómir súrgenin tilge tıek ete otyryp,bolystyq qyzmeti orys sharýalarynyń qazaq jerine kóship kelip jatqan alasapyran ýaqytpen tuspa-tus kelgenine, salt-dástúrdi, dala zańyn tolyq meńgergenine naqty faktiler keltirdi.El daýyn, jer daýyn halyq paıdasyna sheship, ádiletti bı atanǵan. Onyń ómiri men qyzmetine qatysty qundy qujattar Sankt-Peterbor, Omby qalalarynda saqtalypty.
«Noǵaıbaı» spektakli jergilikti rejısser Bolat Mamytbekovtyń pesasy boıynsha sahnalandy. Týyndynyń kórkemdik jetekshisi, «Daryn» memlekettik jastar syılyǵynyń ıegeri Farhad Moldaǵalıdyń aıtýynsha, bul bastama Elbasynyń «Bolashaqqa baǵdar: rýhanı jańǵyrý» baǵdarlamasy jáne «Qazaqstannyń kıeli jerleriniń geografııasy» jobasy aıasynda qolǵa alynyp, jurtshylyq nazaryna usynylǵan. О́nersúıer qaýym premerany jyly qabyldady.
Qazir Maǵjan Jumabaev aýdanyndaǵy aýyldyq okrýgtiń biri Noǵaıbaı bıdiń esimimen atalady. Onyń mazary kıeli jerler kartasyna engizilgen. Osy attas sharýashylyqqa urpaǵy Altynbek Saparov jetekshilik etedi.
Soltústik Qazaqstan oblysy
