2019 jylǵy 9 shildedegi jaǵdaı boıynsha Túrkistan oblysynyń Arys qalasynda 434 úıge qalpyna keltirý jumystary júrgizildi. Aýqymdy jumystarǵa taǵy 41 qurylys kompanııasy qosyldy. Búgingi tańda turǵyn úılerdi qalpyna keltirý jumystaryna 191 uıym tartylǵan.
Indýstrııa jáne ınfraqurylymdyq damý mınıstrliginiń málimetterinshe, qazir 4 myńnan astam qurylysshy jáne 185 birlik arnaıy tehnıka 2642 jeke turǵyn úı qurylysy nysandary men kópqabatty turǵyn úılerdi qalpyna keltirip jatyr.
Eske salaıyq, Arys qalasy 17 sektorǵa bólinip, árbir óńirge jáne respýblıkalyq mańyzy bar qalaǵa bekitilgen bolatyn. 2019 jyly 6 shilde kúni QR Premer-Mınıstriniń Orynsbasary Jeńis Qasymbek ındýstrııa jáne ınfraqurylymdyq damý vıse-mınıstri Qaıyrbek О́skenbaevtyń, Túrkistan oblysynyń ákimi О́mirzaq Shókeevtiń, ákimdikterdiń ókilderiniń qatysýymen keńes ótkizip, jaýapty tulǵalardan qalany qalpyna keltirý jumystaryn jedeldetýdi surady.
Elbasy jáne Memleket basshysynyń tapsyrmasy boıynsha barlyq zaqymdanǵan jáne qıraǵan nysandar 2019 jyldyń 1 tamyzyna deıin tapsyrylýy kerek. QR ındýstrııa jáne ınfraqurylymdyq damý vıse-mınıstri Qaıyrbek О́skenbaevtyń aıtýynsha, kún saıyn úılerge monıtorıng jasalyp, qurylys barysyna baqylaý júrgiziledi.
