Aýdan ákimi Baýyrjan Qanıev Elbasynyń «Bolashaqqa baǵdar: rýhanı jańǵyrý», «Uly dalanyń jeti qyry» baǵdarlamalyq maqalalarynda kórsetilgen mindetter kenje qalǵan dástúrlerdi jańǵyrtýǵa arnalǵandyǵyn aıtyp, máni zor sharany uıymdastyrýshylarǵa alǵysyn bildirdi.
«Mereıli otbasy» ulttyq baıqaýynyń aýdandyq kezeńindegi jeńimpazdary osy merekede aýdan ákimi B.Qanıevtyń qolynan Alǵys hattar men syılyqtar aldy. Elge belgili eńbek ardagerlerinen quralǵan ádilqazylar baǵasyn berý úshin qaz-qatar tigilgen shatyrlar sórelerindegi qymyzdardan aýyz tıdi. Ár aýyldan kelgen qymyz ázirleýshiler bir-birimen qymyzdy baptaý barysyndaǵy tájirıbelerimen bólisti.
О́tken jyly oblystyq deńgeıde tuńǵysh ótken osy merekede birinshi oryn alǵan Shetyrǵyz aýyldyq okrýginiń turǵyny Qaırat Jumaǵalıev bul joly da qymyzdaryn ala kelipti.
– О́tken jyly «Damý» qory arqyly 3 mln teńge qarjyǵa 8 bas bıe satyp alyp, qazir solardan qymyz saýyp otyrmyn. Búginde sharýalar maldyń sanyna emes, odan sapaly ónim alýǵa bet burdy. Sonyń ishinde jylqynyń qymyzy men túıeniń shubatyna suranys joǵary. Al qymyzdy daıyndaýdyń tásilderine den qoımasań, jaqsy ónim shyqpaıdy. Biz soǵan kóp kóńil bólemiz, eńbegimizge qaraı nátıjesi de jaman emes, – deıdi aýylynyń úmitin arqalap kelgen Qaırat.
Aıtýly kúnge arnalyp tigilgen aqshańqań kıiz úılerde qonaqtarǵa arnalyp as berildi. Ardagerler: «О́skeleń urpaqqa bereri mol mundaı sharalardyń jalǵasy árdaıym bolýy tıis», – dep uıymdastyrýshylarǵa alǵystaryn bildirdi. Aýdanda tuńǵysh ótkizilgen qymyzmuryndyq merekesinde Jańaqonys aýyldyq okrýginen usynylǵan qymyzdyń dámi til úıiretinderdiń qatarynan tabylyp, I oryndy ıelendi. Júldeli II, III oryndardy Aıshýaq, Bershúgir aýyldyq okrýgterinen kelgen sharýalar jeńip aldy. Júldegerlerge aýdan basshysynyń atynan Alǵys hattar men syılyqtar tabystaldy. О́zge de barlyq qatysýshylarǵa yntalandyrý syılyqtary berildi.
