Úkimet basshysynyń aıtýynsha, ósimniń qozǵaýshy kúshteri negizinen ónerkásip, qurylys, kólik, saýda jáne aýyl sharýashylyǵy salalary.
«О́ńdeýshi ónerkásiptegi 3,4% deńgeıindegi ósim negizinen mashına jasaý, munaı óńdeý, tústi metallýrgııa, farmasevtıka jáne taǵy da basqa salalardyń esebinen qamtamasyz etildi», dedi Úkimet basshysy.
Asqar Mamınniń aıtýynsha, taý-ken ónerkásibi 2,1% ósti, alaıda kómir óndirý, syrtqy suranystyń azaıýyna baılanysty 5,1% tómendedi. Munaı óndirý, Qashaǵan jobasyndaǵy jóndeý jumystarymen baılanysty – 2% azaıdy. Jalpy, jyl basynan beri 14 óńirde ónerkásiptiń ósýi qamtamasyz etilgen.
Sonymen qatar Úkimet basshysy egizgi kapıtalǵa ınvestısııalar 11,7% ulǵaıdy, onyń ishinde jeke ınvestısııalar – 13% óskenin aıtty.
«Bul kórsetkishter Qyzylorda, Qaraǵandy jáne Shyǵys Qazaqstan oblystarynda joǵary. Al Shymkent, Nur-Sultan qalalarynda jáne Mańǵystaý oblysynda bul kórsetkishter tómendep otyr. Qurylys qarqyny Qyzylorda, Qaraǵandy jáne Atyraý oblystarynda joǵary. Biraq, 4 óńirde ósim qamtamasyz etilmegen. Bul - Shymkent, Nur-Sultan qalalary, Mańǵystaý jáne Soltústik Qazaqstan oblystary. Syrtqy saýda aınalymy 5 aıdyń ishinde 3,3 % artyp, 37,2 mlrd. dollarǵa deıin ósti. Memlekettik bıýdjet kirisi osy jyldyń 6 aıynda 4 trln. 379 mlrd. teńgege atqaryldy, bul jospardan 148 mlrd. teńgege artyq. Bul ótken jyldyń osyndaı kezeńimen salystyrǵanda 730 mlrd.teńgege nemese 20 % artyp otyr. Memlekettik bıýdjet shyǵystary osy jylǵy 1 shildege deıin 6 trln. 342 mlrd.teńge nemese jospardyń 99,6% qurady. Inflıasııa deńgeıi jyl basynan beri 2,6%, al jyldyq mánde – 5,4 % qurady» dedi A.Mamın.
Sondaı-aq ol eldegi eńbek naryǵy turaqty ekenin aıtty. «Bıylǵy jyldyń birinshi jarty jylda jumyssyzdyq deńgeıi 4,8 % qurady. 186 myń jańa jumys orny quryldy, onyń 126 myńy – turaqty» dedi ol.
