Keńes jumysyna Qazaqstan Respýblıkasy Joǵarǵy Sotynyń sýdıasy О́mirtaı Ibraev, Mańǵystaý oblystyq sotynyń tóraǵasy Erjan Daýlıev bastaǵan sýdıalar korpýsy qatysty.
Is-shara barysynda óńirdegi sot tóreligin sapaly atqarý, zańdylyqty saqtaý, sottardyń jumysyn odan ári jetildirý máseleleri boıynsha alqa tóraǵalary, aýdandyq jáne oǵan teńestirilgen sottardyń tóraǵalary baıandama jasady.
Keńeste sóz alǵan Erjan Daýlıev búginde sottarda shekten tys júkteme joq ekenin, sáıkesinshe, sot tóreligin sapaly júzege asyrýǵa da kedergi joq ekenin eskertti. О́mirtaı Ibraev óz sózinde: «Memleket basshysy Q.Toqaev eki jarym jylda sot júıesin jetildirip, deńgeıi tómen sýdıalardy tazalaıtynyn eskertken edi. Bul jumystyń basy qyrkúıek aıynda ótetin sýdıalardy attestattaýda baıqalmaq. Sondyqtan sýdıalarǵa ózderiniń kásibı deńgeıin kóterý máselesi ózekti bolyp tur» dedi.
Mańǵystaý oblystyq sotynyń qylmystyq ister jónindegi sot alqasynyń tóraǵasy Erjan Qarabaev esepti merzimde qaralǵan qylmystyq isterdiń statıstıkasy týraly baıandap, óńirde jas balalardy azǵyndyq jolǵa túsirý, esirtki, psıhotroptyq zattarmen zańsyz jumys isteý, alaıaqtyq, kólik quraldaryn paıdalaný qaǵıdalaryn buzý sekildi sanattaǵy qylmystyq isterdiń kóbeıgenin aıtty.
2019 jyldyń 6 aıynda aýdandyq jáne oǵan teńestirilgen sottarda 1138 tulǵaǵa qatysty 1016 qylmystyq is tússe, 14 tulǵa boıynsha aqtaý úkimi shyǵarylǵan, (onyń ishinde 12 tulǵa jeke aıyptaý isteri boıynsha aqtalǵan) (2018 jyldyń 6 aıynda – 13 tulǵa aqtalsa, onyń ishinde 3 tulǵa jeke aıyptaý isteri boıynsha aqtalǵan). 14 tulǵaǵa qatysty aqtaý úkimderi Aqtaý qalalyq sotynda -6, Jańaózen qalalyq sotynda – 6, Munaıly aýdandyq sotynda – 2 shyǵarylǵan. Oblys sottarynda medıatorlarmen 126 (aıaqtalǵan isterdiń 12,9%) qylmystyq is qaralyp, sottalýshylar jábirlenýshilermen tatýlasýyna baılanysty qylmystyq is óndiristen qysqartylǵan (2018j. 6 aıynda – 104 is).
Esepti kezeńde 839 tulǵaǵa qatysty 741 qylmystyq is boıynsha úkim shyǵarylǵan, (2018 j. 6 aıynda – 755 tulǵaǵa qatysty 662 qylmystyq is boıynsha úkim shyǵarylǵan).
Al, azamattyq ister jónindegi sot alqasynyń tóraǵasy Nursapa Prımashev esepti merzimde azamattyq isterdiń azaıǵanyn, tatýlastyrý rásimderi boıynsha qysqartylǵan isterdiń kóbeıgenine toqtaldy.
Statıstıkalyq málimetterge sáıkes, osy kezeńde barlyǵy 12 723 is qaralyp aıaqtalǵan, byltyr aıaqtalǵan isterdiń sany 16 878 bolatyn, ıaǵnı barlyq aıaqtalǵan isterdiń sany 4 155 danaǵa azaıǵan.
1 150 is tatýlastyrý rásimderin qoldaný arqyly qysqartylǵan. Olardyń ishinde 195 is bitimgershilikke kelý arqyly aıaqtalǵan. Byltyr 583 is tatýlastyrý rásimderin qoldaný arqyly aıaqtalǵan, ıaǵnı bul kórsetkish 567 danaǵa ósken. Olardyń ishinde 950 is medıasııanyń tártibimen aıaqtalǵan. Partısıpatıvtik kelisimge kelý arqyly 5 is qaralǵan, byltyr 1 azamattyq is partısıpatıvtik tártipte qaralǵan bolatyn.
Keńes sońynda sot tóraǵalaryna nusqaýlyqtar men eskertýler berilip, qatań talaptar qoıyldy.
Mańǵystaý oblysy
