– Uly Abaı óleńderin oqý estafetasyn Qazaqstan Respýblıkasynyń Mádenıet jáne sport mınıstri Aqtoty Rahmetollaqyzynan, shákirtim Bekzattan jáne Shymkenttegi kishkentaı búldirshin Hanbıbiden zor rızashylyqpen qabyldaımyn!, – dep bastady sóz kezegin kitaphana basshysy Úmithan Muńalbaeva Dáýrenbekqyzy.
Uly Abaıdyń alǵashqy baspa kitaby 1909 jyly Peterbor qalasynda Álıhan Bókeıhannyń kómegimen jaryqqa shyqty. Muhtar Áýezovtyń 1942 jyly shyqqan «Abaı» romanynyń eń birinshi basylymy Ulttyq akademııalyq kitaphana qorynda saqtaýly tur. Qazaqstannyń Ulttyq elektrondy kitaphanasynda 700-den asa kontent bar.
– О́z kezegimde áriptesterimen birge Uly Abaıdyń 14-shi Qara sózimen jáne óleńderimen jalǵastyrsaq deımin. «Tiri adamnyń júrekten aıaýly jeri bola ma? Bizdiń qazaqtyń júrekti kisi degeni - batyr kisi deıd» dana Abaı. Qandaı keremet aıtylǵan sóz. Bizdiń qazaq batyrlardan kende bolǵan joq eshqashan. Abaı jyrlaryn oqyp, Abaı rýhymen syrlasa bereıik. Osy estafetany memleket jáne qoǵam qaıratkeri, abyz aǵamyz Myrzataı Joldasbekov, qazaq jazýshysy, Qazaqstannyń Eńbek sińirgen qaıratkeri, aǵamyz Smaǵul Elýbaıǵa, aqyn, jazýshy, jýrnalıst, Qazaqstannyń eńbek sińirgen qaıratkeri Sáýle Dosjanǵa, barsha zııaly qaýym ókilderine, Qazaqstan kitaphanashylaryna jáne esimin kemeńger jazýshy Ábish Kekilbaıuly qoıǵan nemerem Aıdos Eldosulyna joldaımyn, – dedi mekeme basshysy Úmithan Muńalbaeva.
Endigi, bul estafeta Myrzataı Joldasbekovke, Smaǵul Elýbaıǵa, Sáýle Dosjanǵa, elimizdiń barsha zııaly qaýym ókilderi men Qazaqstannyń kitaphanashylary jalǵastyratyn bolady.
