- Bul jetistikke bizdiń jergilikti atqarýshy organdar, quqyq qorǵaý qurylymdary jáne azamattyq qoǵam ókilderiniń yntymaǵy, qarapaıym turǵyndardyń belsendiligi arqasynda jetip otyrmyz, - deıdi Serik Súıinbaev.
Atap aıtqanda, óńirde tirkelgen qylmys sany 5%-ǵa azaısa, 10 myń adamǵa shaqqandaǵy qylmys sany 8 tarap boıynsha tómendegen. Ásirese asa aýyr qylmystar 10%-ǵa, ortasha aýyrlyqtaǵy qylmys sany 15%-ǵa túsken. Sonyń ishinde kisi óltirý 37%-ǵa azaıǵany qýantady.
Polısııa taratqan málimetterge qaraǵanda, densaýlyqqa aýyr zardap keltirý, zorlaý jáne bopsalaý sekildi asa aýyr qylmystar 100 paıyz ashylǵan. Túrli dárejedegi urlyq oqıǵalary úshin 1087 adam tutqyndalyp, 48 qylmystyq top áshkerelengen.
- Jyl basynan beri 423 bas mal qoldy bolǵan, tergeý-izdestirý sharalary nátıjesinde 224 bas mal ıelerine qaıtaryldy. Mal urlyǵyna qatysty 13 qylmystyq top áreketi anyqtalyp, 87 adam jaýapkershilikke tartyldy, - deıdi polkovnık. Serik Súıinbaev.
О́ńirde polısııa jumysyn ashyq etý, turǵyndarmen jaqyn qarym-qatynas ornatý jáne azamattarǵa kezekten tys qyzmet kórsetý maqsatynda jyl basynan beri 4 márte «Jol boıyndaǵy qabyldaý» sharasy uıymdastyrylǵan eken. Bul sharalarǵa jalpy sany 2121 adam qatysyp, mamandarǵa jolyǵyp nemese telefon shalyp, aqyl-keńes alǵan. Bolashaqta da bul aksııa jalǵasyn tabady.
Batys Qazaqstan
