“BIZNESTIŃ JOL KARTASY-2020” baǵdarlamasy – damýdyń tıimdi joly

Almatyda Iskerlik keńesiniń ke­zekti otyrysy bolyp ótti. Onda Mem­leket basshysy Nursultan Na­zar­baevtyń Qazaqstan halqyna Jol­daýynda atap kórsetilgen “Bız­nestiń jol kartasy-2020” baǵ­dar­lamasyn dáıektilikpen júzege asy­rý tóńireginde jan-jaqty sóz boldy. Premer-Mınıstrdiń oryn­basary – Indýstrııa jáne jańa teh­nologııalar mınıstri Áset Ise­keshev, Almaty qalasynyń ákimi Ahmetjan Esimov jáne iskerlik orta ókilderi qatysqan keńeıtilgen jıynda sonymen qatar, Qazaq­stan­nyń 2015 jylǵa deıingi ındýs­trııa­lyq-ınnovasııalyq damýynyń qar­qynyn arttyrý máselesi de kún tártibine qoıyldy. Iskerlik keńes otyrysyn ashqan Almaty qalasynyń ákimi Ahmetjan Esimov kún tártibine qoıylǵan bas­ty másele jáne ońtústik astanada bul baǵytta búgingi kúnge deıin at­qa­rylyp jatqan mańyzdy is-sha­ra­lardy tilge tıek etti. Qolǵa alyn­ǵan sondaı irgeli jumystardyń biri Almatynyń Alataý aýdanynda or­na­lasqan ındýstrııalyq aımaqqa tikeleı qatysty. Qala áki­miniń aıtýynsha, Memle­ket basshysy qoldaǵan ındýs­trııalyq aımaqtyń qala úshin de mańyzdylyǵy joǵary, ıaǵnı jańa jumys ornynyń ashylýy jáne ózge de múmkindikter kóbeıýde. Indýstrııalyq-ınnovasııalyq damý baǵdarlamasyna Almaty qala­synan jalpy somasy 410 mıllıon dollardy quraıtyn úsh jobanyń engendigin habarlaǵan qala ákimi, bul jobalarǵa da keńirek toqtaldy. Munyń ózi eń aldymen “Medeý”, “Shymbulaq” taýly-shańǵy ký­ror­tyn damytý jáne qatty jáne suıyq dári-dármek qural-jabdyq­tar ón­diri­sin keńeıtý men moder­nızasııalaýdy qamtıdy. Sonymen qatar, “Samuryq-Qazyna” qory ba­ǵyty boıynsha transformatorlyq stansalar qurylysynyń jobasy da bar. Qala ákiminiń aıtýynsha, búgingi kúnge deıin oǵan qosymsha jalpy somasy 1,5 mıllıard dollarlyq jıyrma bir joba qaralǵan. “Olar­dyń ishindegi bes jobany mınıstrlik qoldaǵan jaǵdaıda ındýstrııalyq-ınnovasııalyq damýdyń qalalyq baǵdarlamasyna engizýdi oılastyrý­damyz”, dedi Ahmetjan Esimov. Iskerler keńesinde sóz alǵan Premer-Mınıstrdiń orynbasary – Indýstrııa jáne jańa teh­nologııalar mınıstri Áset Ise­keshev ındýstrııalyq-ınnova­sııalyq jedel damýdyń besjyldyq baǵdarlamasynyń negizgi ádisteri týraly baıandap berdi. Mınıstr, sondaı-aq Almaty qalasy boıynsha damýdyń naqty baǵdarlamalaryn ortaǵa salyp, óz pikirin bildirdi. Besjyldyq baǵdarlama Mem­leket basshysy jarııalaǵan 2020 jylǵa deıingi damý strategııasynyń onjyldyǵy aıasyndaǵy eń alǵashqy ındýstrııalyq joba bolyp taby­la­dy. Atap aıtarlyǵy, mundaı aýqym­dy baǵdarlamanyń eń basty maqsaty – kózdelip otyrǵan bes jylda ındýstrııalyq-ınnovasııa­lyq joǵary jetistikke qol jetkizý bolyp tabylady. Otandyq bıznesti qoldaý básekege qabilettiliktiń artýyna ıgi yqpal etetindigi sózsiz. Elbasynyń Qazaqstan halqyna arnaǵan bıylǵy Joldaýyndaǵy mindetter shyn mánisinde de “elimizdiń jalpyulttyq mindetine aınalýy tıis”,– dedi Premer-Mınıstrdiń orynbasary – In­dýstrııa jáne jańa tehnologııalar mınıstri Á.Isekeshev. Baqyt BALǴARINA, Almaty.