Oǵan QazUÝ oqytýshylary men stýdentteri, jas ǵalymdary qatysty. Sondaı-aq bul sharany júzege asyrýǵa respýblıkalyq «Fotoóner» qoǵamdyq birlestigi, «Shyǵys Aqparat» medıaholdıngi, «Berel» memlekettik tarıhı-mádenı qoryq-mýzeıi da atsalysty.
Ekspedısııa músheleri birinshi kúni О́skemendegi Etnoaýyl saıabaǵymen tanysty. Keshen Ertistiń sol jaq qanatyna oryn tepken. Biregeı keshendegi saıahattan soń, О́skemenniń «Kompozıtorlar alleıasynda» shyǵystaǵy fotoónerge qyzyǵýshy jastardyń qatysýymen «National Geographic Qazaqstan» jýrnalynyń shef-fotografy Erbolat Shadrahov pen «Egemen Qazaqstan» gazetiniń ardager fototilshisi Nurmanbet Qızatuly jáne basqa da kásibı fotograftardyń júrgizýimen sheberlik saǵaty ótti. Belsendi qatysyp, fotografııaǵa qatysty suraqtarǵa durys jaýap bergen kórermenderge «Fotoóner» QB-niń atynan syılyqtar tabystaldy.
Fotoónerge qyzyqqan jastardyń basyn qosyp, shyǵysqa jol bastap barǵan respýblıkalyq «Fotoóner» qoǵamdyq birlestiginiń tóraǵasy, QazUÝ-dyń jýrnalıstıka fakýltetiniń oqytýshysy Asylhan Ábdiraıym: «Bıyl Qazaqstanda «Jastar jyly» dep jarııalanǵan bolatyn. Osy bastamaǵa oraı «Kıeli Altaı» fotoekspedısııasymen kelip otyrmyz. Bul jerdegi qatysýshylardyń basym kópshiligi jas fotograftar. Onyń ishinde, sońǵy kezderi kópshilik ortasynda, áleýmettik jelide tanymal bolyp júrgen- talantty jastar da bar. Bizdiń maqsatymyz – shyǵys óńiriniń kıeli jerlerin, atap aıtqanda «Berel» memlekettik tarıhı-mádenı qoryq-murajaıyn jas fotograftardyń kózimen túsirip, bolashaqta – О́skemende, Semeıde, Almatyda fotokórmege qoıýǵa, ári osy óńirdegi týrızm salasyna úles qosý, at salysý, nasıhattaý jumystaryn júrgizý. Bir sózben aıtqanda, osyndaı tabıǵaty keremet tarıhı jeri bar óńirdi elimizge jáne álemge tanystyrý», dep atap ótti.
«Katonqaraǵaı» Memlekettik ulttyq tabıǵı parkindegi Avstrııalyq tas jolyna jetkenshe, foto blog-týr músheleri Tarǵyn, Sarybel, Úlken Naryn syndy aýyldardy basyp ótti. Altaı taýlary sııaqty úlkendi-kishili ózender men eldi-mekenderdi, taýly shatqaldar men asýlardy da artqa tastady.
Sharaǵa qatysqan QazUÝ-dyń fılosofııa jáne saıasttaný fakýltetiniń doktoranty Dosjan Balabekuly: «Berel - tylsymǵa toly meken. Eki dáýirdiń qupııasyn jutqan obalar. Patshalar alqaby. Jan-jaǵyn qorshaǵan taýlar. Sarqyrap, kúrkirep aqqan asaý ózender. Qalyń ormandar. Munyń barlyǵy biz áli tolyq bile bermegen Bereldiń sıqyrly jaratylysy. Sondyqtan, bul jermen tanysý úshin elimizdiń ár núktesinen belsendi jastar jınaldy. Maqsat-Bereldiń týrızmge taptyrmaıtyn tarıhı oryn ekendigin aıshyqtaıtyn, kásibı sýretter túsirip, kópshilikke tanystyrý jumystaryna bir kisideı atsalysý bolatyn», dep erekshe oryndaǵy áserimen bólisti.
Bul sapar tarıhty da, tabıǵatty da qatar qamtydy. Tórtinshi kúngi sapar ataqty Muztaýdyń etegindegi Qarakól kóline saıahattaýmen jalǵasty. Sapar tań ata bastaldy. Birinshi bolyp, ýaqyt kestesine sáıkes top músheleri «Berel» memlekettik tarıhı-mádenı qoryq-mýzeıinde bas qosty. Ol jerde saparǵa qatysýshylar mýzeı basshylyǵynyń marapttaýyna ıe boldy.
«Kıeli Altaı: Berel-2019» foto blog-týrynyń sońǵy kúninde qatysýshylar Katonqaraǵaı aýdanynyń eldi-mekenin aralap shyqty. Bul kún sapardy qorytyndylaý bolǵanymen de, fotograftar úshin naǵyz jumys kúnine aınaldy. О́ıtkeni, aýdan aýmaǵy tunyp turǵan tumsa tabıǵat. Sondyqtan, kez-kelgen núkteden sýret túsirip qalý mańyzdy.
Atalǵan kúni «Berel» memlekettik tarıhı-mádenı qoryq-mýzeıi qyzmetkerleri «Fotóner» QB-niń múshelerine bir apta ishinde baýyr basyp qalǵandaı. Qımaı qoshtasty. Barlyq ýaqytta esikteri ashyq ekenin de jetkizdi. Olardyń jumysyna sáttilik tilep, kúzde ótetin fotokórmeni taǵatsyzdana kútetindikterin aıtty.
