Málimetter boıynsha, Almaty qalasynda 43 myńnan astam múgedek jandar turady. Kezdesýge ákimniń orynbasarlary E. Áýkenov, I. О́serov, Áleýmettik ál-aýqat basqarmasynyń basshysy S. Saıfedenov, Qoǵamdyq densaýlyq basqarmasynyń basshysy Q. Tósekbaev, Bilim basqarmasynyń basshysy G. Qojabergenova, qalalyq Mobıldilik basqarmasynyń basshysy S. Telibaev jáne de múgedekterdi reabılıtasııalaýmen jáne kómek kórsetýmen aınalysatyn uıymdardyń ókilderi qatysqan jıynda qaladaǵy múmkindigi shekteýli jandardy tolǵandyrǵan máseleler tyńdaldy.
Kedergisiz keńistik jáne áleýmettik ınfraqurylym nysandaryna beıimdeý máselelerine keńine toqtala otyryp, bul baǵyttaǵy jumystarǵa jeke emdeý mekemeleriniń de qatysy bar ekendigi aıtyldy. Kólik ınfraqurylymynyń qoljetimdiligi, onyń ishinde arnaıy qoǵamdyq kóliktiń, jaıaý júrginshi ótetin jerlerde dybysty baǵdarshamdarǵa qatysty aqparattar keńinen nazarǵa alyndy. Osy jıynda málim bolǵanyndaı, qalalyq mobıldilik basqarmasynyń málimeti boıynsha bıylǵy jyly tómen edendi qoǵamdyq kóliktiń 73 paıyzyn jınalmaly pandýstary bar avtobýstar quraıdy.
Jyl aıaǵyna deıin bul kórsetkishti 80 paıyzǵa deıin arttyrý kózdelip otyr. Patologııanyń erte dıagnostıkasy, balalarǵa ınklıýzıvti bilim berý, múgedekterdi reabılıtasııalaý men eńbekpen qamtý mańyzdy máseleleri talqylandy. «Shyraq» múgedek áıelder qaýymdastyǵynyń tóraıymy Lázzat Qaltaeva, «Altyn Time» múgedekter uıymynyń tóraǵasy Saǵat Omarǵalıev, Almaty qalalyq múgedekter qoǵamdastyǵy tóraǵasynyń orynbasary Ulan Ińkárbekov, «Soqyrlardyń qazaq qoǵamdastyǵy» QU Almaty qalalyq fılıalynyń tóraıymy Kabıra Qońyrbaeva, «Keńes» QU tóraıymy Maıra Súleeva, «Podrankı» múgedekter QU tóraıymy Ǵalııa Tobataeva tarapynan osy saladaǵy ózekti máseleler aıtyldy.
Keńestiń qorytyndysy boıynsha B. Saǵyntaev qoǵamdyq densaýlyq basqarmasynyń basshysy Q. Tósekbaevqa jeke emdeý mekemeleriniń qoljetimdiligi boıynsha, al Bilim basqarmasynyń basshysy G. Qojabergenovaǵa múmkindigi shekteýli jandardyń qoljetimdiligine qatysty aýdıt júrgizýdi tapsyrdy. Al ońaltý ortalyǵynyń qurylysyn júrgizý máselesi jeke qaralatyn bolady. Qala basshysy qoǵamdyq uıymdar ókilderine kóterilgen máselelerdi sheshý jáne olardyń júzege asyrylýyn baqylaý jóninde baǵdarlamalar ázirleý jóninde usynys jasap, bul kezdesýdiń tereń dıalogqa negizdelgenin ári paıdaly bolǵandyǵyn jetkizip, barlyq usynystyń qaraýsyz qalmaı eskeriletindigine, sheshimin tabatyndyǵyna ýáde berdi.
ALMATY
