Lager demalýshylary bul kúndi «Men Rýhanı jańǵyrýdy qalaı túsinemin» taqyrybyndaǵy shyǵarma jazýdan bastap, osy arqyly «Rýhanı jańǵyrý» degendi ár bala óz oı eleginen ótkizip, mán-mańyzyn túsindi. Ári qaraı «Uly dala tarıhy – urpaqqa amanat» atty kezdesý keshinde, etnograf-zertteýshi Baıahmet Jumabaıuly, Salt-dástúr akademııasynyń akademıgi, etnograf, jazýshy Bolat Bopaıuly, Qazaqstan Jazýshylar Odaǵynyń múshesi, halyqaralyq «Ilham» syılyǵynyń ıegeri, aqyn Dáýletbek Baıtursynuly, Almaty qalasy Qoǵamdyq keńesi prezıdıýmynyń múshesi Maıra Saǵymbekova, Halyqaralyq «Janashyr» qorynyń prezıdenti Jańyl Ápetova, QR Prezıdenti janyndaǵy «Qoǵamdyq kelisim» RMM-niń Dostyq úıi Medıasııa kabınetiniń jetekshisi Nursaýle Áltekova, «Orta Azııa jáne Qazaqstan otbasy ınstıtýty» jekemenshik mekemesiniń dırektory Akbota Bazarbaeva syndy basqa da ÚEU basshylary men qoǵam belsendileriniń «Qazaqtaný», «О́zgeristi ózińnen basta» taqyrybynda mádenı-aǵartýshylyq, tálim-tárbıege toly áńgimelerin tyńdady.
Etnograf, jazýshy Bolat Bopaıuly lager demalýshylaryna «Biz sizderge bala dep emes, dana dep qaraımyz. Sondyqtan, aıtyp jatqan áńgimelerimizden kóp dúnıeni sanalaryńyzǵa sińirersizder dep úmittenemiz» dep balalardy áńgimege tartsa, etnograf-zertteýshi, jazýshy Baıahmet Jumabaıuly balalarmen birge umyt bola bastaǵan ulttyq oıyndardy oınap kórsetti. Qoǵam qaıratkeri Maıra Saǵymbekova «Rýhanı jańǵyrýdyń» mán-mańyzyndaǵy búgingi urpaq, elimizdiń erteńi – balalardyń róline toqtaldy. Nursaýle Áltekova áńgimesin tatýlyq, dostyq taqyrybynda órbitse, Akbota Bazarbaeva, aqyn Lázzat Igisin leksııasyn otbasy tárbıesimen ushtastyrdy. Al, aqyn Dáýletbek Baıtursynnyń qazaq tarıhymen baılanystyra oqyǵan leksııasy balalardyń qyzyǵýshylyǵyn arttyryp, qoıǵan suraqtarymen shynynda «dana» ekendikterin tanytty.
Tyńdaǵan leksııalardy vıktorınalyq oıyndar arqyly pysyqtap, balalardyń kitap oqýǵa degen yntalaryn arttyrý maqsatyndaótken «Kitap – bizdiń dosymyz» taqyrybyndaǵy «Býkdaıtıng» sharasyna ulasty. Sharaǵa qatysqan jazýshy-etnograf Baıahmet Jumabaıuly óziniń etnografııalyq-tanymdyq jáne balalarǵa arnalǵan kitaptaryn tanystyrdy. Munan keıin lager kitaphana qoryna kitap syılaǵan «Býkkrossıng» sharalary balalardyń qyzyǵýshylyǵyn týdyrdyryp, sharalarǵa belesene aralasýǵa jeteledi.
«Talanttardy tanytý» sharasynda óner kórsetken Qadyrmoldaevtar otbasynyń kórsetken óneri, qatarlastarynyń qurmeti men qoshametine laıyq boldy. «Aýyldyń alty aýzy» demekshi, lagerde demalýshy balalar da óz ónerlerin ortaǵa saldy.
Sharalar kesheni «Azamattarǵa arnalǵan úkimet» memlekettik korporasııasy Almaty qalasy fılıaly qyzmetkerleriniń qatysýymen ótken «Sıfrlan! Trendte bol!» aksııasymen jalǵasty. Balalar «Sıfrlyq Qazaqstan» baǵdarlamasy jaıly maǵlumat alyp, smartfon arqyly Telegram-bot qosymshasymen jumys isteýdi úırendi. «Telefon arqyly da 25 memlekettik qyzmetter men anyqtamalar alýǵa bolatynyn bildim, endi úırengenderimdi ata-anama, dostaryma úıretemin. Taratylǵan paraqshalar men býkletterde de onlaın qyzmetterdi alý joldary týraly kóp maǵlumat bar eken», deıdi lagerde demalýshy Aınur Asanova.
Lagerde ótken «Rýhanı jańǵyrý» kúni jaıly mekeme dırektory Qanshaıym Musaeva rızashylyqpen oń pikirin bildirdi. «Búgin aramyzǵa kelip, mol muralarymen bólisip jatqan aqparattyq top ókilderine alǵysym sheksiz. Balalarshyn máninde rýhanı baıyp, bolashaqqa baǵdar bolar baı bilimmen qarýlandy. Sanalarynda silkinis boldy dep aıtýǵa bolady. Jas urpaqqa tárbıelik máni zor mundaı sharalar kerek-aq. Sizderdi aldaǵy aýysymdarda da kútemiz», dedi.
Bul shara QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty negizinde «Halyqaralyq «Janashyr» qoǵamdyq qorynyń «Rýhanı jańǵyrý» baǵdarlamasyn ilgeriletý jónindegi ǵylymı-aǵartýshylyq jobasyn ázirleýge jáne iske asyrýǵa ÚEU, saraptamalyq qaýymdastyqty tartý» taqyrybyndaǵy joba aıasynda ótti.
