Erekshe serpin

Beısenbi, 30 mamyr 2013 2:11

«QazAgro» AQ 1 mlrd. AQSh dollaryna eýrooblıgasııa shyǵarylymyn ornalastyrdy

2013 jyldyń 17 mamyryn­da «QazAgro» ulttyq basqarýshy hol­dıngi» AQ 10 jyldyq mer­zim­ge jyl­­dyq 4,625 paıyzdyq mól­sher­le­memen 1 mlrd. AQSh dollaryna eýro­­oblıgasııa shyǵarylymyn alǵash ret ornalastyrdy. Tranzaksııanyń bir­lesken býkrannerleri – HSBC, JP Morgan, al baǵaly qaǵazdardy ishki naryqqa usyný «ATF-Qarjynyń» kómegimen iske asyryldy. Aǵymdaǵy jylǵy mamyr aıynyń ortasynda «QazAgro» AQ ókilderi AQSh,

Beısenbi, 30 mamyr 2013 2:11

«QazAgro» AQ 1 mlrd. AQSh dollaryna eýrooblıgasııa shyǵarylymyn ornalastyrdy

2013 jyldyń 17 mamyryn­da «QazAgro» ulttyq basqarýshy hol­dıngi» AQ 10 jyldyq mer­zim­ge jyl­­dyq 4,625 paıyzdyq mól­sher­le­memen 1 mlrd. AQSh dollaryna eýro­­oblıgasııa shyǵarylymyn alǵash ret ornalastyrdy. Tranzaksııanyń bir­lesken býkrannerleri – HSBC, JP Morgan, al baǵaly qaǵazdardy ishki naryqqa usyný «ATF-Qarjynyń» kómegimen iske asyryldy. Aǵymdaǵy jylǵy mamyr aıynyń ortasynda «QazAgro» AQ ókilderi AQSh, Ulybrıtanııa jáne Almatydaǵy negizgi álemdik ınstıtýttyq ınves­torlarmen birqatar kezdesýler ótkizgen bolatyn. Solardyń ná­tı­jesinde QazAgronyń nesıelik sapasy jóninde jaǵymdy oı-pi­kir­ler qalyptasty. Al, qalyptasqan qolaıly naryqtyq ahýal men dúnıe­júzilik sarapshy-mamandardyń ja­ǵymdy pikiri baǵaly qaǵazdardy or­na­lastyrý merzimin tezdetýge múm­kindik týǵyzdy.

Aıta ketelik, 17 mamyrda ja­rııa­­­lanǵan shyǵarylymnyń baǵa­lyq parametrleri ınstıtýttyq ın­ves­torlardyń arasynda aı­tar­lyqtaı qyzyǵýshylyq týǵyzdy. Oǵan qosa, 200-den astam ınves­tor­dan túsken tapsyrystardyń aq­tyq kitabynyń kólemi 3,3 mlrd. AQSh dollaryn qurady. Bul kór­set­kish QazAgro ulttyq basqarý­shy holdıngi» AQ-tyń sońǵy aı­lar­daǵy tabysty qujattamalyq já­ne marketıngtik daıyndyq ju­mys­tarynyń tikeleı nátıjesi deýge bolady. Tranzaksııa sol kúni 4,625 paıyz baǵa dıapazonynda jabyldy.
Atalǵan kelisim baǵaly qaǵaz aı­na­lymynyń osyndaı uzaq mer­zim­ge qazaqstandyq emıtenttiń qu­ny jaǵynan rekordtyq tómen qa­ryz­dyq shyǵarylymyn aıqyndap berdi. Sonymen qatar, QazAgronyń bul baǵaly qaǵazdary elimizde tuń­ǵysh ret qarjylyq, munaı-gaz, energetıkalyq jáne metallýrgııalyq emes sektorlardan shyǵarylyp otyr, sondaı-aq, ol ekonomıkamyzdyń aýyl sharýashylyǵy jáne azyq-tú­lik salalarynyń basqa da áleýetti emı­­tentteriniń bolashaǵyna aıtar­lyqtaı jaǵymdy áser eteri sózsiz. Qýatty kompanııanyń baǵaly qa­ǵaz­dar shyǵarýdaǵy qomaqty ta­by­sy Qazaqstannyń basqa da kva­zı­memlekettik emıtentteriniń qa­tarynda holdıngtiń aldyńǵy qa­tar­ly qaryz alýshy retindegi mártebesin aıqyndap berdi. Sondaı-aq, bul Qaz­Agronyń jahandyq kapıtal­dar naryǵyndaǵy bedeli men mártebesin nyǵaıta túseri daýsyz.
«Biz holdıngtiń eýrooblı­ga­sııa­laryn alǵash ret sátti ornalas­tyr­ǵanymyzǵa qanaǵattanamyz, dep málimdedi baǵaly qaǵazdardy ornalastyrýǵa qatysty túsinik bergen «QazAgro» ulttyq bas­qa­rý­shy holdıngi» AQ basqarma tór­aǵasy Dýlat Aıtjanov. Bizdiń qyzmetimizdiń ereksheligine jáne memlekettik mańyzdylyǵyna qaraı, osy jobamen júrgizilgen daıyndyq jumystarynyń basynan bastap-aq QazAgronyń mindeti uzaq merzimge jáne eń tómengi mólsherleme boıynsha qomaqty qarjy tartý bolatyn. Al, baǵaly qaǵazdardy ornalastyrýdan túsken qarajat «2020 jylǵa deıingi agroónerkásiptik damý baǵdarlamasy» aıasyndaǵy basymdyq berilgen uzaq merzimdi jobalardy júzege asyrýǵa jumsalady».
Aımaqtar boıynsha ınvestorlar bazasy bylaısha bólinedi: Uly­brı­tanııa – 35%, AQSh – 33%, Qa­zaq­stan – 13%, qurlyqtyq Eýropa – 15% jáne basqalary – 4%. Má­mi­le­niń negizgi talaptary my­na­lar: Emıtent: «QazAgro» ulttyq bas­qarýshy holdıngi» AQ, shyǵarylym reıtıngteri: VVV+ (turaqty boljam), VVV (turaqty boljam), bere­shek túri: qamtamasyz etilmegen, shy­ǵarylymnyń formaty: Reg S/144A, qaryzdy qaıtarý merzimi: 24 mamyr, 2023 j (T+5), shyǵarylym kólemi: 1,000 mln. AQSh dollary, kýpon: 4,625 paıyz, ornalastyrý baǵasy: 100,00 paıyz, lıstıng: Irlandııa jáne Qazaqstan qor bırjalary.
«BSC Invest» AQ-tyń bas­qar­­ma tóraǵasynyń orynbasa­ry, Lıstıngtik kompanııanyń tór­aǵa­sy, Qazaqstan qor bırjasy Bır­ja­lyq keńesiniń múshesi Vıktor Kysh­panakovtyń pikirinshe, QazAgro sııaqty emıtenttiń mundaı baǵaly qaǵazdardy shyǵaryp, qor naryǵyna ornalastyrýy aıryqsha ári mańyzdy oqıǵa bolyp tabylady. «Qazirgideı naryqta qarjy quraldaryna qat­ty tapshylyq qalyptasqan jaǵ­daı­da, mundaı birinshi satydaǵy emı­tent­terdiń naryqqa kóptep shyǵarylýy jalpy elimizdiń qor naryǵynyń damýyna jaǵymdy jaǵynan áser ete­tini sózsiz, deıdi Vıktor Alek­seevıch. Al, «BBC Invest» kom­pa­nııa­sy QazAgro sııaqty senim­di kompanııaǵa brokerlik jáne isker­lik qyzmet kórsetetinin maqtan tu­ta­dy jáne aldaǵy ýaqytta osy baǵyt­ta yntymaqtastyq qarym-qaty­na­symyzdy jalǵastyrýǵa ázirmiz. Atap aıtarlyǵy, baǵaly qaǵazdardy qor naryǵyna shyǵarý agrarlyq salada tuńǵysh ret júzege asyrylýda». Bedeldi sarapshynyń aıtýynsha, Qazaqstannyń agrarlyq kompanııasynyń eýrooblıgasııa­lardy qor naryǵyna tabysty shyǵarýynyń ózi «QazAgro» arqyly elimizdiń agrarlyq sektoryna degen sheteldik nıvestorlardyń zor senim bildirgenin kórsetedi. – Buǵan deıin bizde iri shyǵarylymdar boldy, deıdi Vıktor Kyshpanakov. – Alaıda, ishki naryqta mundaı baǵaly qaǵazdardy shyǵarý jáne qor naryǵyna ornalastyrý – erekshe bir serpin bolyp sanalady. Al, eýrooblıgasııalardy syrtqy naryqqa shyǵarý jáne ornalastyrý basqa emıtentterge ıgi úlgi bolary anyq.

Ámirlan ÁLIMJAN.