Olympic.kz saıtyna shaǵyn suhbat bergen Rıo Olımpıadasynyń chempıony óz kóńil-kúıimen bólisip, búgingi básekeni qorytyndylady. Sondaı-aq, olımpıada qarsańyndaǵy maýsymǵa qatysty pikir bildirdi.
«Men úshin álem chempıonaty aıaqtalǵan joq áli. Alda komandalyq estafeta bar. Biz Olımpıada oıyndaryna joldamaalýǵa tyrysamyz. Jalpy alǵanda, jekeleı syndaǵy óz ónerime kóńilim tolady. Júz metrlik jarysta óz nátıjemdi jaqsartyp, el rekordyn jańarttym. 200 metrlik synda bári men oılaǵandaı bolmady, biraq kóńil túsiretindeı jaǵdaı emes. Munda aerobty daıyndyǵym azdap jetispeı qaldy. Dese de, nátıjem jaman emes. Ońaı bolǵan joq, árıne. Endi bapkermen birge jattyǵýdy jalǵastyramyz. Jarystyń vıdeosyn tamashalap, bárin saraptaımyz. Sol saraptama qorytyndysy boıynsha daıyndyqty retke keltirý maqsaty tur alda. Álem chempıonatynan soń azdaǵan demalys alyp, Los-Andjeleske, Deıv Saloǵa qaıta oralamyz. Deıv álem chempıonatynda bizge baǵyt berip, árbir jarystan soń óz aqyl-keńesimen bólisti. Sol úshin kóp rahmet»,- deıdi Balandın.
