Aımaqtar • 29 Shilde, 2019

Tabıǵat baılyǵy tıimdi paıdalanylýda

280 ret kórsetildi

Elimizdegi tabıǵattyń baılyǵyn tıimdi paıdalanýdyń mańyzy zor. Bul ásirese ekonomıka salasyna tyń serpin berip, otandyq kásipkerlikti damytýǵa úles qosady. Sonymen qatar, júzdegen jumys orny ashylyp, halyqtyń áleýmettik jaǵdaıynyń jaqsarýyna da septigin tıgizedi.

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev «Qazaq­standyqtardyń ál-aýqatynyń ósýi: tabys pen turmys sapasyn arttyrý» atty Joldaýynda ınnovasııalyq jáne servıstik sektorlardy damytýǵa erekshe nazar aýdarý kerektigin basa aıtqan bolatyn. Tabıǵat baılyǵyn tıimdi paıdalaný maqsatynda Sarysý aýdanynda «Jańatas jel elektr stansasynyń» qury­lysy bastaldy. Sebebi aýdanda Aqqyrqa jáne Arystandy Qarabas jeliniń qýaty erekshe. Osy bir tabıǵat baılyǵyn ıgerýdiń tyń joly retinde qurylysy bastalǵan stansanyń basty maqsaty jergilikti turǵyn­dardy jumyspen qamtý jáne aýdan­da jumyssyzdar sanyn azaıtý bolyp otyr.

Atalǵan stansa Sarysý aýdany Túrkistan aýyldyq okrýginde ornalasqan. Qurylysy bastalǵan nysan 2020 jyly aqpan aıynda iske qosylatyn bolady. Aýdan ákimdiginiń málimetinshe, elektr qýatyn bólý shemasy ázirlenip, respýblıkalyq «KEGOG» aksıo­nerlik qoǵamynyń kelisimi alynǵan. Búgingi tańda atalǵan stansanyń qurylysyn júrgizýshi bas merdiger retinde Qytaı Halyq Respýblıkasynyń «China Power International Holding» kompanııasy anyqtalǵan. Qazirgi kezde kompanııa ókildigi men jumys­shylary Sarysý aýdanyna kelip, qurylys alańynda daıyndyq pen jobalaý jumys­taryn júrgizýde. Munda jumys­shylarǵa qajetti konteınerler qoıylyp, tıisti tehnıkalar jumyldyrylǵan.

Salynyp jatqan «Jańatas jel elektr stansasynyń» jalpy qýaty 100 mVt-ty quraıdy. Búgingi tańda jel energııasy elimizde qarqyndy damyp kele jatqan sala. Bul kásipkerler úshin jel kúshi arqyly elektr energııasyn óndirýde tıimdi ınves­tısııalyq jobalar bolyp sanalady. Al Sarysý aýdanynda salynyp jatqan jel elektr stansasy elimizdiń óńirleri arasynda jańǵyrmaly energııa kózderin damytýǵa baǵyttalǵan. Jalpy, jel elektr stansasy jeldiń kıne­tıkalyq energııasyn elektr energııasyna túrlendiretin qondyrǵy. «Jańatas jel elektr stansasy» jel qozǵaltqyshynan, elektr togynyń generatorynan, sol jel qozǵaltqyshy men elektr togynyń generatoryn avtomatty túrde basqaratyn qurylǵydan turady. Jeldiń kúshi qondyrǵynyń qalaqtaryn aınaldyryp, generatordyń biligin qozǵaltady. Al generator óz kezeginde elektr energııasyn óndiredi.

Sarysý aýdanyna arnaıy kelgen qytaılyq merdiger kompanııa ókilderi Go Sıan, Chjan Lıan, Ý Anszıan, Veı Lı jáne ózge de azamattar bul jobanyń óńir ekonomıkasy úshin barlyq jaǵynan tıimdi ekenin aıtady. Bul rette Sarysý aýdanynyń ákimi Qanatbek Mádibek te ma­ńyzdy jobanyń aýdannyń odan ári órkendeýine qosatyn úlesiniń mol ekenine toqtaldy. Sonymen qatar aýdan ákimi qu­rylysqa qajetti barlyq zattardy jergilikti jerden alýdy usynyp otyr. Taǵy bir másele, stansa ashylatyn Túrkistan aýyldyq okrýginde turatyn turǵyndar men ózge de mal baqqan azamattardyń qaýipsizdigi. Bul rette jergilikti azamattardyń qaýi­psizdigine basa nazar aýdarylyp otyr.

Jalpy, atalǵan jobany «Jańatas jel elektrostansasy» jaýapkershiligi shekteýli seriktestigi usynǵan. Búginde qury­lysy qarqyn alǵan stansa aıaqtalǵanda tórt mezgilde de tynymsyz soǵatyn Aqqyrqa men Arystandy Qarabas jeli óńir ekonomıkasynyń damýyna ózindik úlesin qosatyn bolady.

 

Jambyl oblysy

 

Sońǵy jańalyqtar

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar