«Aqmola oblysy Jarqaıyń aýdandyq sotynyń 2019 jylǵy shildeniń 25-gi qaýlysymen «Ohotzooprom «О́B» RMQK Ortalyq óńirlik fılıalynyń ınspektoryn óltirdi degen kúdiktige qatysty eki aı merzimge qamaýǵa alý týraly sanksııa qoldandy», dep aıtty Aqmola oblystyq sotynyń baspasóz qyzmeti.
Vedomstvonyń málimetinshe, qylmystyq tergeý organdary kúdiktininiń ústinen QR QK 99 babynyń 2 bóligi 2 bólimshesi boıynsha (adam óltirý) is qozǵap otyr.
Aıta keteıik, osyǵan deıin habarlaǵanymyzdaı, aǵymdaǵy jylǵy shildeniń 23-de «Ohotzooprom «О́B» RMQK Ortalyq óńirlik fılıalynyń ınspektory Qanysh Nurtazınov brakonerlerdiń qolynan qaza bolǵan edi. Al, onyń áriptesi Samat Ospanov jaralanyp aýrýhanaǵa tústi. Keıin jedel izdestirý sharasy kezinde osy qylmysqa kúdikti Arqalyq qalasynyń 45 jáne 20 jastaǵy turǵyndary ustalǵan bolatyn.
