Qoǵam • 01 Tamyz, 2019

Elordada ózgeshe karnaval ótedi

128 ret kórsetildi

Tamyz aıy elorda turǵyndary úshin tańǵajaıyp karnaval sherýimen este qalmaq. HPAIR Asia Conference-2019 halyqaralyq konferensııasy uıym­das­tyrýshylarynyń uıytqy bolýymen bas shahar tórinde I Carnival dástúrli mádenıet karnavaly jáne álemniń 40-tan astam eliniń ókilderi qatysatyn I Night keshi ótedi.

16-20 tamyz aralyǵynda dúnıe júziniń jas kóshbasshylary Qazaqstan astanasyna álemniń eń aýqymdy stýdenttik jobalarynyń biri – HPAIR Asia Conference-2019 sharasyna  qatysý úshin jınalady. Konferensııa uıymdastyrýshylary delegattar men bas shahar halqyn esten ketpes áserge bóleý úshin de joba baǵdarlamasyn túrli mádenı bastamalarmen baıytypty. Sonyń biri  – I Carnival mádenıet jáne dástúr karnavaly. Halyqaralyq jármeńke formatynda ótetin  óner oqıǵasy qala turǵyndary men qonaqtaryna konferensııa delegattary usynar dástúrli taǵamdardyń dámin tatyp, ulttyq kádesyılar satyp alýy­na tamasha múmkindik beredi. Al aıtýly joba aıasynda ótetin I Night halyqaralyq mádenıet merekesinde túrli elden kelgen qatysýshylar óz halqynyń ulttyq mýzyka, teatr jáne bı ónerinen shashý shashady.

– I Night jáne I Carnival jobasy – álemniń túrli halyq ókilderi arasyndaǵy rýhanı dos­tyq pen yntymaqtastyqty nyǵaıtýǵa yqpal etetin biregeı mádenı oqıǵalardyń sanatynda. Osy oraıda biz óz tarapymyzdan Kazakhstan Night jeke is-sharasyn daıyndap jatyrmyz. Onda shetten kelgen qonaqtarǵa qazaq mýzykasynyń jaýharlaryn, atap aıtsaq dombyra men qobyzdyń ejelgi kúılerinen bastap, Q-pop zamanaýı mádenıetine deıingi ǵasyrlar boıǵy evolıýsııasyn kórsetkimiz keledi. Álemniń túkpir-túkpirinen jınalǵan konferensııa qatysýshylary – qurmetti meı­mandarymyzdyń elordamyz, jalpy Qa­zaqstan týraly umytylmas áser al­ǵa­nyn qalaımyz, – deıdi HPAIR Asia Conference-2019 uıymdastyrý komıtetiniń tór­aǵasy, Nazarbaev Ýnıversıtettiń stýdenti Láılá Ahmetova.

Esterińizge sala keteıik, HPAIR Asia Conference-2019 konferensııasyn Nazarbaev Ýnıversıtetpen yntymaqtastyqta Azııa jáne halyqaralyq qatynastar boıynsha Garvard ýnıversıteti (HPAIR: Harvard College Project for Asian and International Relations) birlesip uıymdastyrady. О́ziniń 28 jyldyq tarıhynda HPAIR Asia Conference Ortalyq Azııa aýmaǵynda alǵash ret ótkeli otyr. Kon­ferensııanyń kún tártibi alty taqyryptyq baǵytty jáne aýqymdy mádenı baǵdarlamany qamtıdy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar