Sport • 02 Tamyz, 2019

«The Best»-tiń úmitkerleri anyqtaldy

90 ret kórsetildi

Halyqaralyq fýtbol federasııasy (FIFA) resmı saıtyna jyldyń eń úzdik fýtbolshysyna beriletin «The Best» marapatyna úmitker fýtbolshylardyń tizimin jarııalady.

2019 jyldyń «The Best» marapatyn alýǵa bıyl on fýtbolshy úmitker atanǵan. Bir qyzyǵy, byltyrǵy «úzdik fýtbolshy» Lýka Modrıch bıylǵy tizimge ilinbeı qalǵan. On úmitkerdiń tizimi tómendegideı: Krıshtıaný Ronaldý, Matteıs de Lıgt (ekeýi de – «Iýventýs»), Frenkı de Iong, Lıonel Messı (ekeýi de – «Barselona»), Harrı Keın («Tottenhem»), Eden Azar («Real»), Kılıan Mbappe (PSJ), Sado Mane, Mohammed Salah jáne Vırdjıl van Deık (úsheýi de – «Lıverpýl»). Úmitkerler 2018 jyldyń 16 shildesi men 2019 jyldyń 19 shildesine deıingi nátıjelerine qarap tańdap alǵan.

FIFA jyl laýreaty 23 qyrkúıekte Mılandaǵy (Italııa) «La Skala» opera teatryn­da ótetin saltanatty rásimde belgili bolmaq. Jyl úzdigin ulttyq quramalardyń bas bapkerleri, kapıtandary, sport jýrna­lısteri jáne jankúıerler daýys berý arqyly anyqtaıdy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar